Rasija i Ukraina damovilisia ab značnym źnižeńni cany na haz.
«Hazprom» i «Naftahaz» padpisali dapaŭnieńnie, jakoje daje mahčymaść «Hazpromu», što jon i maje namier rabić — pradavać Ukrainie haz pa canie 268,5 dalara za tysiaču kuboŭ. Ciapier hetaja cana kala 400 dalaraŭ była», — skazaŭ Pucin na pres-kanfierencyi pa vynikach pasiadžeńnia rasijska-ŭkrainskaj miždziaržaŭnaj kamisii.
Biełaruś, darečy, płacić za rasijski haz 160 dalaraŭ.
Pucin taksama dadaŭ, što Rasija hatova iści nasustrač Ukrainie ŭ hazavaj śfiery.
Taksama Rasija raźmieścić 15 młrd dalaraŭ z Fondu nacyjanalnaha dabrabytu ŭ suvierennyja jeŭraablihacyi Ukrainy ŭ 2013 i 2014 hadach. Pad 5% hadavych.
Pra heta paviedamiŭ žurnalistam ministr finansaŭ RF Anton Siłuanaŭ.
«Heta buduć jeŭraablihacyi, častka ŭ hetym hodzie, častka ŭ nastupnym. Mienš, naturalna, u hetym hodzie», — skazaŭ Siłuanaŭ.
Pry hetym Uładzimir Pucin zapeŭniŭ, što pytańnie ŭstupleńnia Ukrainy ŭ Mytny sajuz nie abmiarkoŭvałasia.
Kamientary