Asudžanyja ŭdzielniki knižnaj prezentacyi abiacajuć, kali spatrebicca, dajści da AAN.
Brescki abłasny sud nie zadavoliŭ skarhu Paŭła Sieviarynca na rašeńnie suda Maskoŭskaha rajona Bresta, jaki pryhavaryŭ palityka da 15 sutak aryštu «za parušeńnie ŭstanoŭlenaha paradku praviadzieńnia masavych mierapryjemstvaŭ paŭtorna na praciahu hoda».
Jak paviedamiŭ BiełaPAN pravaabaronca Uładzimir Vialičkin, abłasny sud pryniaŭ rašeńni pakinuć pastanovu bieź źmianieńniaŭ, paličyŭšy, što da hetaha niama padstaŭ.
Taksama abłasny sud pakinuŭ bieź źmianieńniaŭ rašeńnie suda nižniaj instancyi ŭ adnosinach da dvuch udzielnikaŭ sustrečy z S.Sieviaryncam, što prajšła ŭ Breście 19 žniŭnia, — Juryja Bokuna, jaki byŭ aštrafavany na try bazavyja vieličyni, a taksama Lubovi Pranievič (joj było vyniesiena papiaredžańnie).
Pavodle słoŭ Juryja Bokuna, anałahičnyja skarhi padadzieny praktyčna ŭsimi 11 udzielnikami sustrečy z Paŭłam Sieviaryncam, jakija byli pryciahnutyja da administarcyjnaj adkaznaści sudom Maskoŭskaha rajona Bresta za «ŭdzieł u praviadzieńni niesankcyjanavanaha mierapryjemstva».
«Jany nie zhodnyja z pastanovaj suda i ličać, što ich zatrymańnie ŭ čas sustrečy — parušeńnie svabody schodu, prava na raspaŭsiudžvańnie i atrymańnie infarmacyi, pravoŭ na svabodu i ŭłasnuju niedatykalnaść. Aprača taho, udzielniki sustrečy pierakananyja, što na prezientacyju ŭ ofisie partyi niama nieabchodnaści atrymlivać dazvoł, — zaznačyŭ V.Vialičkin. — Nakolki mnie viadoma, usie jany majuć namier damahacca admieny pastanoŭ suda i pryznańnia ich zatyrmańniaŭ niezakonnymi, i nie vyklučajuć vierahodnaści padačy skarhi staršyni Viarchoŭnaha suda, a pry admoŭnym vyniku — źviarnucca ŭ Kamitet AAN pa pravach čałavieka».
Nahadajem, 19 žniŭnia ŭ ofisie Bresckaj arhanizacyi Partyi BNF u čas prezientacyi knihi P.Sieviarynca «Listy ź lesu» supracoŭniki milicyi zatrymali 30 čałaviek. Ź ich u adnosinach da 15 byli składzienyja administracyjnyja pratakoły. Sudovyja rašeńni pa administracyjnych spravach vyniesieny ŭ adnosinach da 12 čałaviek. Dvum ź ich vyniesiena papiaredžańnie, vosiem aštrafavany i dvoje asudžany na 15 sutak.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram15
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary