Heta praduhledžana pastanovaj Savieta Ministraŭ №1166 ad 30 śniežnia 2013 hoda, aficyjna apublikavanaj siońnia na Nacyjanalnym pravavym internet-partale, paviedamlaje BIEŁTA. Dakumient ustupaje ŭ siłu z 1 studzienia 2014 hoda.
U pryvatnaści, taryf na ciepłavuju enierhiju dla patreb aciapleńnia i haračaha vodazabieśpiačeńnia z 1 studzienia ŭstanoŭleny na ŭzroŭni 80 570 rubloŭ za 1 Hkał.
Cana 1 kubamietra pryrodnaha hazu pry najaŭnaści indyvidualnych hazavych aciaplalnych pryboraŭ i (abo) hazavych vodanahravalnikaŭ ŭ aciaplalny pieryjad vyznačana na ŭzroŭni Br520,9, u letni pieryjad — Br1 906,6. Pry adsutnaści indyvidualnych hazavych aciaplalnych pryboraŭ (niezaležna ad siezonu) košt 1 kubamietra hazu składzie taksama Br1 906,6.
Biez pryboraŭ indyvidualnaha ŭliku raschodu hazu košt hazu pry najaŭnaści hazavaj plity i centralizavanaha haračaha vodazabieśpiačeńnia abo indyvidualnaha vodanahravalnika (za vyklučeńniem hazavaha) składzie Br15 250 z adnaho žychara ŭ miesiac, pry najaŭnaści hazavaj plity i hazavaha vodanahravalnika (pry adsutnaści centralizavanaha haračaha vodazabieśpiačeńnia) — Br43 850, pry najaŭnaści hazavaj plity i adsutnaści centralizavanaha haračaha vodazabieśpiačeńnia i hazavaha vodanahravalnika — Br24 800.
Pavyšany ceny i na zvadkavany haz, jaki vykarystoŭvajecca ŭ žyłych damach i kvaterach. Tak, košt 1 kubamietra z ustanoŭlenymi pryborami indyvidualnaha ŭliku raschodu hazu pry najaŭnaści indyvidualnych hazavych aciaplalnych pryboraŭ i (abo) hazavych vodanahravalnikaŭ ŭ aciaplalny pieryjad składzie Br8 070,6, u letni pieryjad — Br5 083,9. Pry adsutnaści indyvidualnych hazavych aciaplalnych pryboraŭ košt 1 kubamietra składzie taksama Br5 083,9. Biez pryboraŭ indyvidualnaha ŭliku raschodu hazu pry najaŭnaści hazavaj plity i centralizavanaha haračaha vodazabieśpiačeńnia abo indyvidualnaha vodanahravalnika (za vyklučeńniem hazavaha) košt zvadkavanaha hazu z adnaho žychara ŭ miesiac ŭstanoŭleny na ŭzroŭni Br15 250, pry najaŭnaści hazavaj plity i hazavaha vodanahravalnika (pry adsutnaści centralizavanaha haračaha vodazabieśpiačeńnia) — Br43 200, pry najaŭnaści hazavaj plity ( pry adsutnaści centralizavanaha haračaha vodazabieśpiačeńnia i hazavaha vodanahravalnika) - Br20 350.
Košt elektryčnaj enierhii ŭ žyłych damach (kvaterach), abstalavanych va ŭstanoŭlenym paradku elektryčnymi plitami, pa adnastavačnym taryfie ciapier składaje Br622,7 za 1 kVt hadz, pa dyfierencyjavanym taryfie — Br435,9 za 1 kVt hadz u pieryjad minimalnych nahruzak z 22.00 da 17.00 i Br1245,4 za 1 kVt hadz u pieryjad maksimalnych nahruzak z 17.00 da 22.00.
Elektryčnaja enierhija, za vyklučeńniem ukazanaj u papiarednich vypadkach, pa adnastavačnym taryfie budzie abychodzicca žycharam respubliki ŭ Br732,7 za 1 kVt hadz.
Taksama pastanovaj ustanoŭleny dla nasielnictva taryfy na kamunalnyja pasłuhi, jakija zabiaśpiečvajuć poŭnaje pakryćcio ekanamična abhruntavanych zatrat na ich akazańnie.
U pryvatnaści, z 1 studzienia taki taryf na ciepłavuju enierhiju dla patreb aciapleńnia i haračaha vodazabieśpiačeńnia składaje Br300 tys. za 1 Hkał.
Cana 1 kubamietra pryrodnaha hazu, jaki vykarystoŭvajecca ŭ žyłych damach i kvaterach z ustanoŭlenymi pryborami indyvidualnaha ŭliku raschodu, składaje Br2 362.
Pastanova pryniata ŭ adpaviednaści z ukazami №72 ad 25 lutaha 2011 hoda «Ab niekatorych pytańniach rehulavańnia cen (taryfaŭ) u Respublicy Biełaruś» i № 550 ad 5 śniežnia 2013 hoda «Ab niekatorych pytańniach rehulavańnia taryfaŭ (cen) na žyllova-kamunalnyja pasłuhi i uniasieńni źmianieńniaŭ i dapaŭnieńniaŭ u niekatoryja ŭkazy Prezidenta Respubliki Biełaruś».
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary