Kałaps u minskim mietro: ciahniki puścili pa hrafiku vychodnaha, a ludzi vyjšli na pracu
3 studzienia aficyjna pryznany pracoŭnym dniom, ale ciahniki iduć u režymie vychadnoha dnia — ź intervałam u 5-6 chvilin. Z-za hetaha na stancyjach adznačajecca vialikaja kolkaść ludziej.
«Ciahniki iduć ź intervałam u 5-6 chvilin», «Vymušana prapuścić ŭžo piaty ciahnik», «Nie mahu ŭleźci ŭ vahon — ciskanina ŭžo na podstupach», — paviedamlali čytačy na Tut.by.
Jak udałosia vyśvietlić, nijakich nadzvyčajnych zdareńniaŭ u mietro nie zafiksavana, usia reč u tym, što mietrapaliten pracuje ŭ režymie vychadnoha dnia.
3 studzienia — pracoŭny dzień u mnohich minčan, ale mnohija bujnyja pramysłovyja pradpryjemstvy siońnia nie pracujuć. U suviazi z hetym «Minsktrans» pamienšyŭ kolkaść naziemnaha transpartu, a mnohija z maršrutaŭ pracujuć u režymie vychadnoha dnia. U takim ža režymie pracuje i Minski mietrapaliten.
Na abureńnie minčan apieratyŭna adreahavali,
z metaj palapšeńnia transpartnaha absłuhoŭvańnia 3 studzienia intervał ruchu ciahnikoŭ na 1 i 2 linijach mietrapalitena ŭ 2 źmienu (z 16.00) budzie źnižany da 2,5 chvilin.
A 4 studzienia praca mietrapalitena budzie arhanizavana pa hrafiku budniaŭ.
Kamientary