Matacykły, kvadracykły, łodki mohuć zabrać u biełarusaŭ dla vojska padčas mabilizacyi
Ministerstva abarony Biełarusi zaćvierdziła pastanovu №29, jakaja pašyraje śpis transpartu, jaki hramadzianie i arhanizacyi abaviazany pieradavać vojsku ŭ pieryjad mabilizacyi ci ŭ vajenny čas. Dakumient, padpisany Viktaram Chreninym, apublikavany na Nacyjanalnym pravavym internet-partale.
Hałoŭnym novaŭviadzieńniem stała ŭklučeńnie ŭ pieralik matacykłaŭ i małych sudnaŭ, jakija padlahajuć dziaržaŭnaj rehistracyi. Taksama ŭ śpis dadadzieny kvadrycykły i śniehabałotachody.
Zhodna z pastanovaj, dziaržaŭnyja orhany i arhanizacyi ŭsich formaŭ ułasnaści abaviazany nie tolki ŭličvać, ale i rychtavać techniku (u tym liku ŭziatuju ŭ lizinh) dla patreb Uzbrojenych Sił. Heta praduhledžvaje stvareńnie kamplektaŭ zapčastak, instrumientaŭ i abstalavańnia dla pieravozki asabovaha składu.
Ciapier u śpisie techniki, jakuju mohuć zabrać u hramadzian i kampanij:
lehkavyja aŭto z kołavaj formułaj 4×4;
aŭtobusy i hruzaviki ŭsich typaŭ (bartavyja, samaskidy, refryžeratary, furhony);
śpiecyjalnyja i hruzapasažyrskija aŭtamabili;
siedłavyja ciahačy i pryčepy;
traktary i samachodnyja mašyny;
kvadracykły, małyja sudny i matacykły.
Poŭny śpis hladzicie tut.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia15
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2222
Kamientary