Biełaruskich i rasijskich piłotaŭ treci dzień utrymlivajuć u Tunisie biez tłumačeńnia pryčyn. U ich adabrali pašparty
Ekipaž viertalota Mi-26, jaki lacieŭ va Uhandu, užo bolš za 48 hadzin utrymlivajuć u aeraporcie Džerba. U biełarusaŭ i ich rasijskich kaleh zabrali pašparty, jany čakajuć dapamohi ad dypłamataŭ.
Pavodle źviestak «Bazy», u aeraporcie Džerba zatrymany ekipaž viertalota Mi-26, jaki pierahaniaŭ viertalot va Uhandu i prylacieŭ u Tunis na zapłanavany prypynak.
U hrupie dzieviać čałaviek: siem rasijan i dvoje hramadzian Biełarusi. Piaciora ź ich — lotny ekipaž, jašče čaćviora adkazvajuć za techničnaje absłuhoŭvańnie viertalota.
Usie jany pracujuć pavodle kantraktu z AAN u «Kirhizskaj avijakampanii».
Jak raspavioŭ «Bazie» piłot Siarhiej Susłaŭ, paśla prybyćcia ŭ Džerbu ludziej nie vypuścili z aeraporta. Ź jahonych słoŭ, u čalcoŭ ekipaža zabrali pašparty, a aficyjnych padstaŭ dla zatrymańnia im dahetul nie vystavili.
Niahledziačy na toje, što hateli dla ekipaža byli apłačany zahadzia, pakidać budynak pavietranaj havani im nie dazvalajuć. Užo treci dzień ludziam davodzicca načavać prosta ŭ budynku aeraporta. Zaraz ekipaž čakaje dapamohi ad konsulstva.
Kamientary