Kitajskaja dziaržaŭnaja hazieta Wen Wei Po apublikavała artykuł z padrabiaznym apisańniem pakarańnia dziadźki lidara KNDR Kim Čen Yna. Jak paviedamlaje 3 studzienia The Independent, kitajskija žurnalisty śćviardžajuć, što Čan Son Tcheka žyŭcom skarmili sabakam.
Pavodle Wen Wei Po, dziadźku paŭnočnakarejskaha lidara i jašče piać abvinavačanych pa toj ža spravie raspranuli i addali na źjadzieńnie 120 sabakam, jakich da hetaha try dni nie karmili. Vydańnie śćviardžaje, što praces pakarańnia zaniaŭ kala hadziny i adbyvaŭsia na vačach u sotniaŭ paŭnočnakarejskich čynoŭnikaŭ.
Pry hetym aficyjnaha paćvierdžańnia hetaj infarmacyi z boku KNDR abo niezaležnych krynic pakul nie pastupała.
Šerah vydańniaŭ nie vyklučaje, što za publikacyjaj hetaha materyjału staić aficyjny Piekin, niezadavoleny novym kursam Pchieńjana i jaki sprabuje ŭ suviazi z hetym vystavić niadaŭnich partnioraŭ u niavyhadnym śviatle i jašče bolš uskładnić adnosiny KNDR z zachodnimi krainami.
Akramia taho, u praŭdzivaści vykładzienaj u artykule infarmacyi ŭsumnilisia asobnyja pravaabaroncy. Na ich dumku, takija mietady zališnie žorstkija navat dla paŭnočnakarejskaha režymu.
Raniej u presie fihuravała infarmacyja, pavodle jakoj Čan Son Tchek i jaho paplečniki byli 12 śniežnia rasstralanyja ŭ budynku ministerstva dziaržbiaśpieki ŭ Pchieńjanie, pryčym niekatoryja krynicy śćviardžali, što dla hetaha vykarystoŭvalisia kulamioty, a na pakarańni prysutničali niekalki vysokapastaŭlenych čynoŭnikaŭ Pracoŭnaj partyi.
Zrešty, hetaja viersija aficyjnaha paćvierdžańnia taksama nie atrymała.
Kamientary