Ad parnahrafii mužčyny durejuć

Majem šmatlikija prykłady navat viadomych mužčyn, jakija pryviali siabie da samarazbureńnia svaimi seksualnymi pavodzinami. Stros-Kan tut tolki samy śviežy prykład.

Mnohija ŭpłyvovyja ludzi ŭžo daŭno nie mohuć spatolić seksualnuju prahu. Raniej jany byli našmat bolš abačlivyja i dobra ŭmieli zamiatać ślady.

Adnoj z pryčynaŭ adkrytaści pryvatnych pavodzinaŭ siońnia źjaŭlajecca raźvićcio technałohij. Šmat chto z mužčyn, uciahnutych u seks-skandały, vykryŭ siabie sam praz svaju prahu da sms, Tvitara i inšych «niaścipłych» ŚMI.

Što ŭpłyvaje na takija dziŭnyja pavodziny?

Ci nie šyrokaje raspaŭsiudžańnie i spažyvańnie parnahrafii ŭ apošnija hady faktyčna pierabudavała mužčynski mozh, upłyvajučy na staŭleńnie mužčyn da seksu i ichny kantrol nad svaimi impulsami?

Isnujuć navukovyja dokazy hetaj hipotezy. Šeść hadoŭ tamu

było praviedzienaje daśledavańnie, padčas jakoha była vyjaŭlenaja suviaź pamiž rostam spažyvańnia parnahrafii siarod maładych mužčyn i pavieličeńniem impatencyi i zaŭčasnaj ejakulacyi siarod taho ž nasielnictva.

Heta byli zdarovyja maładyja ludzi biez arhaničnych abo psichičnych patałohij, jakija mahli b pryvieści da parušeńniaŭ połavaj funkcyi.

Daśledčyki vyjavili, što ŭ chutkim časie

paśla pačatku spažyvańnia žorstkaha porna mužčynu patrabujecca bolš vysoki ŭzrovień stymulacyi, kab dasiahnuć taho ž uzroŭniu ŭzbudžeńnia.

Sprava ŭ tym, što porna pasyłaje ŭ mužčynski mozh zadavalnieńnie ŭ vyhladzie karotkaterminovaha skačka ŭzroŭniu dafaminu, jaki, na hadzinu ci dźvie padymaje nastroj mužčyny i jaho ahulnaje samaadčuvańnie. Niervovaja sistema identyčna reahuje i na inšaje pryvykańnie, naprykład, azartnyja hulni ci kakain.

Vynik taksama adnolkavy:

hetak ža, jak azartnyja hulcy i spažyŭcy kakainu mohuć na hetaj hlebie «zarabić» maniju, jakaja patrabuje ŭsio bolš hulniaŭ i ŭsio bolš narkotyku, mužčyny, jakija spažyvajuć porna, kab atrymać toje samaje pavyšeńnie dafaminu, taksama mohuć «padsieści».

Jak i ŭ inšych vypadkach, paśla taho, jak dafamin pierastaje dziejničać, spažyviec adčuvaje rasčaravańnie — razdražnieńnie, tryvohu i prahu pieražyć zadavalnieńnie paŭtorna. Niekatoryja daśledavańni śviedčać pra toje, što ŭ žančyn — spažyŭcoŭ parnahrafii taksama nazirajecca padobny efiekt.

Takoje ŭździejańnie dafaminu tłumačyć, čamu parnahrafija robicca ŭvieś čas usio bolš i bolš žorstkaj: zvyčajnyja seksualnyja vobrazy chutka stračvajuć svaju siłu,

i kab znoŭ atrymać zadavalnieńnie, spažyŭcy patrabujuć vyjavaŭ, jakija novymi sposabami łamajuć novyja tabu. Bolš za toje, niekatorym mužčynam (a taksama žančynam) nie chapaje dafaminu, bieź jakoha ich mozh pracuje nie vielmi efiektyŭna, i heta robić takich ludziej bolš zaležnymi ad žorstkaha porna.

Jak i ŭ vypadku ź luboj inšaj zaležnaściu, z pryčyny peŭnych niejrachimičnych pracesaŭ amataru parnahrafii vielmi składana admovicca ad svaje zvyčki, navat kali jana razburaje jaho asobu, bo kožny raz jamu patrabujecca čarhovaja doza dafaminu. Taki čałaviek — nieabaviazkova maralnaja nikčemnaść ci miarzotnik, jon prosta nie moža całkam kantralavać siabie.

Heta nie značyć, što takija ludzi nie adkazvajuć za svaje pavodziny, prosta heta inšaja adkaznaść: adkaznaść uśviedamlać mahutny ŭpłyŭ parnahrafii na ŭłasnuju asobu i šukać sposab vylekavacca, kali zaležnaść pačynaje zamianiać siamju i karjeru i ŭpłyvać na mierkavańni.

Na siońniašni dzień isnuje efiektyŭny i raspracavany sposab dapamahčy ludziam, zaležnym ad parnahrafii, i viarnuć ich da bolš harmaničnaha dušeŭnaha stanu.

Kali ludzi ŭ hetym śviecie, jaki bolš i bolš zachlostvaje samaje žorstkaje porna, pačynajuć razumieć, jak jano ŭpłyvaje na ich mozh i škodzić mužčynskaj patencyi, jany mohuć zrabić vybar,

zasnavany na peŭnych viedach, a nie biazdumna asudžać siabie ci vostra reahavać na čužoje šalmavańnie.

• 2
• 0
• 0
• 0
• 0
• 1
• 0
• 0