Michaił nie vierniecca na Ziamlu: minski prahramist rychtujecca da palotu na Mars
Padarožža ad Ziamli da Marsa zojmie kala 7 miesiacaŭ (210 dzion). Pry hetym arhanizatary nie chavajuć: darohi dadomu, chutčej za ŭsio, niama.
Michaił Rumiancaŭ uvajšoŭ u lik 1058 čałaviek, jakija prajšli nastupny etap adboru na prajekt «Mars Adzin». Usiaho było padadziena bolš za 200 tysiač zajavak z 140 krain.
Prajekt «Mars Adzin» praduhledžvaje zasialeńnie čyrvonaj płaniety ludźmi. Pieršyja žychary pavinny prylacieć tudy ŭ 2023 hodzie.
Padarožža ad Ziamli da Marsa zojmie kala 7 miesiacaŭ (210 dzion). Pry hetym arhanizatary nie chavajuć: darohi dadomu, chutčej za ŭsio, niama.
Michaiłu 24 hady. Jon ź Lidy. Skončyŭ fizičny fakultet BDU, pracuje prahramistam u Minsku.
30 śniežnia, kali byli abvieščanyja vyniki, chłopiec adpačyvaŭ u Kijevie. Pra toje, što ŭžo jość vyniki adboru, jamu paviedamili siabry. Michał na ŭsialaki vypadak pravieryŭ elektronnuju skryniu — i binha! Taki siurpryz!
Praź niekalki dzion jon atrymaŭ jašče adzin list. U im havorycca, što ŭ bližejšy čas treba prajści miedkamisiju. Prajści jaje možna ŭ Biełarusi. Hetym jon zojmiecca ŭ bližejšyja niekalki miesiacaŭ.
My zapytali ŭ Michaiła, čym jaho pryvabiŭ palot u daloki kosmas:
«Palot na Mars – mienavita toje, čamu ja hatovy pryśviacić svajo žyćcio.
Mianie zachaplaje viera, što čałaviectva budzie raźvivacca pastupova. I ŭ technałohijach taksama budzie pierajemstva i pastupovaje raźvićcio.
Ja liču, što ŭ dalokaj pierśpiektyvie kałanizacyja kosmasu syhraje važnuju rolu dla raźvićcia cyvilizacyi.
Kali hladzieć u zusim dalokaj pierśpiektyvie, zhasańnie sonca nie pakidaje inšych šancaŭ dla cyvilizacyj, kab pierasialicca na inšyja płaniety, hałaktyki. Ja maju šaniec zrabić pieršy krok da hetaha, niejak paŭpłyvać».
Apytanka
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary