Ciońnia viečaram z harvykankamu na imia zajaŭnikaŭ akcyi pryjšoŭ adkaz nakont jaje maršrutu.
Staršynia arhkamitetu akcyi, jakaja maje pačacca a 14-j u niadzielu 14 kastryčnika, Viktar Ivaškievič paviedamiŭ, što siońnia viečaram z harvykankamu na imia zajaŭnikaŭ akcyi pryjšli adkazy adnosna jaje dazvołu.
«Čamuści mienskija čynoŭniki jašče siońnia ŭ abied admaŭlalisia davać infarmacyju nakont adkazu žurnalistam, — paviedamiŭ Ivaškievič. — Mahu skazać tolki adno — akcyja dazvolenaja. Pra maršrut i farmat «Eŭrapiejskaha maršu» pakul havaryć nie mahu. Siońnia nočču z zamiežnych kamandzirovak prylatajuć Alaksandar Milinkievič i Anatol Labiedźka. Zaŭtra ŭsie razam my i vypracujem plan dziejańnia. Vyniki buduć viadomyja na pres‑kanferencyi, jakaja projdzie a 12-j va ŭpravie BNF».
U paniadziełak u Mienharvykankamie prapanoŭvali prajści šeściem ad Akademii navuk pa vulicy Surhanava da płoščy Banhałor.
Pavodle nieaficyjnaj infarmacyi, mienavita taki maršrut čynoŭniki dazvolili i ŭ aficyjnych listach i papiaredzili zajaŭnikaŭ akcyi «pra administracyjnuju adkaznaść za parušeńnie hramadzkaha paradku i adchileńnie ad prapanavanaha maršrutu ruchu».
Nahadajem, što Eŭrapiejski marš planavaŭsia ad Kastryčnickaj płoščy da Nacyjanalnaj biblijateki. Potym u jakaści alternatyvy zajaŭniki prapanoŭvali šlach ad Kupałaŭskaha skveru.
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary