Łukašenka patłumačyŭ, za što ŭznaharodziŭ ministra [z 2009] Žadobina: Dziasiatki vajskovych haradkoŭ adnavili z ruin i popiełu
Alaksandr Łukašenka zadavoleny vynikami raboty MUS u 2013 hodzie. Takuju acenku jon daŭ 14 studzienia, prymajučy z dakładam ministra ŭnutranych spraŭ Ihara Šunieviča.
Alaksandr Łukašenka prakamientavaŭ niadaŭniaje prysudžeńnie dziaržaŭnych uznaharod kiraŭnictvu siłavoha błoka.
Jon padkreśliŭ, što heta pierš za ŭsio acenka vynikaŭ raboty za minuły hod. «Ministerstva abarony praviało vielmi maštabnaje vučeńnie, i, viadoma, u hetym vielmi vialikaja zasłuha ministra — Juryja Žadobina [ministr abarony sa śniežnia 2009 h. — NN].
I toje, što dziasiatki vajskovych haradkoŭ adnavili z ruin i popiełu, pryviali ŭ narmalny stan, i toje, što ŭ nas armija adčuvaje siabie jak armija, i toje, što my vyznačylisia na pierśpiektyvu — heta vialikaja jaho zasłuha», — skazaŭ Łukašenka.
Uznaharodu staršyni KDB Valeryju Vakulčyku jon rastłumačyŭ jaho vialikim asabistym układam u stvareńnie Śledčaha kamiteta.
Što datyčycca ŭznaharodžańnia ministra ŭnutranych spraŭ, to kiraŭnik dziaržavy adznačyŭ, što ŭ jaho skłałasia dobraje mierkavańnie ab rabocie milicyi ŭ minułym hodzie. «Milicyja pracavała niadrenna. Heta nie dla pachvały. Vy viedajecie, što ja nie vielmi lublu zachvalvać ludziej, ale tym nie mienš treba addać naležnaje», — skazaŭ Łukašenka.
Alaksandr Łukašenka zapatrabavaŭ dałažyć ab isnujučych prablemnych pytańniach u ministerstvie, a taksama ab situacyi z kadrami, nakolki atrymałasia jaje źmianić u MUS i padnačalenych strukturach u suviazi z praviedzienaj rearhanizacyjaj. Kiraŭnik dziaržavy taksama dadaŭ, što vyniki dziejnaści jak MUS, tak i inšych siłavych viedamstvaŭ, prakuratury, buduć razhledžany paźniej.
Ministr unutranych spraŭ Ihar Šunievič paviedamiŭ ab niekatorych pytańniach raźvićcia sistemy MUS u budučym, prapanavaŭšy šlachi dalejšaha ŭdaskanaleńnia i refarmavańnia.
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili4
Kamientary