Pra heta žurnalist «Priessboła» Siarhiej Ščurko skazaŭ u intervju «Biełhaziecie», kamientujučy ŭznaharodžańnie Łukašenkam zvańniami zasłužanymi majstrami sportu, ordenami i miedalami partnioraŭ pa chakiejnaj kamandzie, «jakija, iranizuje hazieta, dapamahali jamu, dy i ŭsioj Biełarusi, kavać pieramohu na Ch Kaladnym turniry siarod amatarskich kamandaŭ»
Hutarka nadrukavana ŭ siońniašnim, za 20 studzienia, numary «Biełhaziety».
Paraŭnoŭvajučy sioletniaje ŭznaharodžańnie z hanaravańniem Maksima Mirnaha, Uładzimira Vałčkova i Siarhieja Ciacieryna ŭ lutym 2004 h. za pieramohu ŭ Kubku Devisa nad tenisnaj zbornaj Rasii (što było stanoŭča ŭspryniata spartyŭnaj hramadskaściu), Siarhiej Ščurko miarkuje,
što sioleta Łukašenka «absalutna nie trapiŭ u nastroj naroda:
pryznać chłapcoŭ, što vyjhrali Kaladny turnir, zasłužanymi majstrami sportu, pastavić ich na ŭzroŭni ź pieramožcami Alimpijadaŭ, čempijanataŭ śvietu i Jeŭropy, miakka kažučy, dziŭna. Mnie zdajecca, kiraŭnik dziaržavy takim čynam chacieŭ adździačyć členam svajoj kamandy, tym bolš što turnir byŭ 10-y, jubilejny.
Mahčyma, Alaksandr Ryhoravič, razumieje, što ŭsio kali-niebudź skančajecca, u tym liku asabisty ŭdzieł u hetych spabornictvach. Moža hety turnir dla jaho jak dla spartsmiena byŭ apošni i jon svaim saratnikam zrabiŭ taki carski padarunak.
Mnie zdajecca, kali tabie 60 hadoŭ, u chakiej hulać užo ciažkavata, treba prydumać dla siabie niejki inšy sport, mienš traŭmatyčny, bo chakiej biez sutyknieńniaŭ — heta fihurnaje katańnie.
A kali turnir budzie prachodzić biez udziełu kiraŭnika dziaržavy, intares da takich spabornictvaŭ pastupova budzie zhasać, i rana ci pozna hulni buduć prachodzić nie na «Minsk-Arenie», a na katku ŭ Parku Horkaha, i pryjazdžać tudy buduć rabaciahi ź jakoha-niebudź nižaharodskaha zavoda».
Siarhiej Ščurko miarkuje, što samim uznaharodžanym niama čym hanarycca, jamu pačuvajucca źbiantežanymi, bo razumiejuć «nakolki krutoje heta zvańnie».
«Naprykład, takoha zvańnia niama ŭ Andreja Paraščanki, jaki pieramahaŭ u handbolnaj Lizie čempijonaŭ, byŭ najlepšym bambardziram čempijanatu Ispanii, adnym z najlepšych razyhryvajučych śvietu.
Jon «usiaho tolki» majstar sportu mižnarodnaha kłasu, chacia mieŭ poŭnaje prava stać zasłužanym paśla pieramohi ŭ samym prestyžnym kłubnym turniry», — reziumuje Siarhiej Ščurko.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary