Vykarystańnie kałodziežnaj vady dla pićcia moža abiarnucca surjoznymi prablemami sa zdaroŭjem.
Na pravasłaŭnaje Rastvo ŭ maładoj siamji ź vioski Litvinovičy Karmianskaha rajona Homielskaj vobłaści adbyłasia trahiedyja: dzicia, što naradziłasia ŭ śniežni 2013 hoda, užo ŭ studzieni 2014-ha pamierła. Zabiła jaho nie strašnaje zachvorvańnie ci nadzvyčajnaje zdareńnie, a ŭsiaho tolki vada z kałodzieža. Pavodle papiaredniaj viersii, jana ŭtrymlivała zanadta vysokuju kancentracyju nitrataŭ.
Źmieściva biełaruskich hramadskich kałodziežaŭ moža być niebiaśpiečnym nie tolki dla dziaciej.
Pavodle źviestak śpiecyjalistaŭ Centra ekałahičnych rašeńniaŭ, vada prykładna 40-60% ź ich (usiaho ich naličvajecca kala 45 tysiač) źmiaščaje praźmiernuju kolkaść nitrataŭ i, adpaviedna, nie prydatnaja dla pićcia. Asablivaja niebiaśpieka ŭ tym, što vizualna vyznačyć niebiaśpiečnuju i biaśpiečnuju vadu niemahčyma, jana ŭ lubym vypadku budzie prazrystaj. A zachvorvańni, jakija možna «padchapić» z kałodzieža, vyličajucca dziasiatkami: kali pry adzinkavych vypadkach užyvańnia vady z vysokim utrymańniem nitrataŭ možna abyścisia banalnym atručvańniem, to pry pastajannym jaje ŭžyvańni jość mahčymaść atrymać patałohii ŽKT, sardečnuju, nyračnuju niedastatkovaść i mnohaje inšaje, asablivy ŭdar atrymajuć padstraŭnikavaja i ščytapadobnaja załozy.
Zdavałasia b, rašeńnie lažyć na pavierchni:
treba źviarnucca ŭ terytaryjalny centr hihijeny i epidemijałohii, zapoŭnić zajavu na pravierku kałodzieža i čakać vyniku. Adnak nie ŭsio tak prosta. Pa-pieršaje, niekamu daviadziecca ŭziać na siabie adkaznaść za napisańnie kalektyŭnaha zvarotu — abyści minimum 30 miascovych žycharoŭ. Pa-druhoje, zaniacca adpraŭkaj zajavy, potym kantaktavać z orhanami dziaržnahladu… Usio heta nastolki doŭhaja pieśnia, što bolšaść tak i praciahvaje ryzykavać, užyvajučy niepravieranuju vadu ź miascovaha kałodzieža.
U dadzienaj situacyi ekołahi bačać bolš dziejsnaje rašeńnie — vykarystańnie test-reahientaŭ.
Pryncyp dziejańniaŭ vielmi prosty: test-pałoska apuskajecca ŭ vadu, z pryčyny čaho mianiaje adcieńnie; čym jarčejšy koler, tym bolš niebiaśpiečnaja vada (paraŭnalnaja škała ŭvachodzić u nabor, tamu adcieńni možna tut ža źvieryć). Efiektyŭna i dakładna, jak testy prafiesijnych chimikaŭ, i prosta. Ale voś biada: cana naboru pałosak pieravyšaje paŭsotni jeŭra. Znajści hetuju sumu abo ryzykavać, jak siamja ź vioski Litvinovičy — vybar kožnaha. Pakul pałoski možna ŭziać biaspłatna ŭ Centry ekałahičnych rašeńniaŭ u Minsku.
-
Natchnionyja «Aziempikam» farmkampanii ŭstupili ŭ honku pa raspracoŭcy anałahaŭ dla žyvioł
-
Cudaŭ nie budzie dla tych, chto spadziavaŭsia schudnieć biez dyjety. Papularnaje intervalnaje haładańnie nie dziejničaje biez deficytu kałoryj
-
U Minsku adkryjuć dźvie dziaržaŭnyja vietkliniki z kruhłasutačnym pryjomam
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ19
Kamientary