Da 1 lipienia 2014 hoda ŭsie prablemnyja damy ŭ Biełarusi, budaŭnictva jakich zaciahnułasia, pavinny być zdadzieny ŭ ekspłuatacyju, paviedamiŭ 5 lutaha na pres-kanfierencyi ŭ Minsku ministr architektury i budaŭnictva Anatol Čorny.
Pavodle jaho słoŭ, paśla stvareńnia śpiecyjalnaj mižviedamasnaj kamisii pry Administracyi prezidenta na ŭliku znachodziłasia 319 prablemnych damoŭ. Z 1 lipienia 2013 hoda pa 1 studzienia 2014-ha ŭviedziena ŭ ekspłuatacyju 249 damoŭ. «U kancy vosieni źjavilisia dadatkovyja damy z prablemami, i na siońnia ŭ pieraliku prablemnych 143 damy. Hetyja damy da 1 lipienia pavinny być zdadzieny ŭ ekspłuatacyju, i nie pavinna ŭ pieraliku źjavicca novych damoŭ», — padkreśliŭ ministr.
«Siońnia ŭ hetym kirunku viadziecca rabota z boku ministerstva, praciahvaje rabotu i kamisija. Prachodzić štomiesiačnaja spravazdača z boku namieśnikaŭ staršyniaŭ abłvykankamaŭ i z boku ministerstva. Za studzień uviedziena 17 z prablemnych damoŭ. Składzieny hrafiki pa ŭvodu astatnich damoŭ da 1 lipienia. Asnoŭnaja masa pavinna być zdadziena da maja, tolki niekalki piarojduć na červień, heta samyja składanyja damy. Ale ŭ pryncypie hrafiki raśpisany, arhanizavana finansavańnie ŭsich hetych damoŭ», — adznačyŭ Čorny.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary