MZS RF: Acenka CNN pomnika hierojam Bresckaj krepaści jak pačvarnaha «bluźnierskaja»
Ministerstva zamiežnych spraŭ Rasii ličyć bluźnierskaj i cyničnaj acenku manumienta hierojam-abaroncam Bresckaj krepaści, jakuju dali žurnalisty telekanała CNN, i zaklikaje kiraŭnictva telekanała atrymać ź miedyjaskandału surjoznyja ŭroki.
«Acenku manumienta hierojam-abaroncam Bresckaj krepaści jak «pačvarnaha», jakuju dali žurnalisty telekanała CNN, nielha rasceńvać inakš jak bluźnierskuju i cyničnuju», — cytuje MZS RF zajavu ŭpaŭnavažanaha pa pytańniach pravoŭ čałavieka, demakratyi i viaršenstva prava Kanstancina Dałhova.
«Heta aburalny krok — niedaravalnaja dla žurnalistaŭ-prafiesijanałaŭ chałatnaść i śviedčańnie jak minimum surjoznaj adarvanaści ad histaryčnych realij. Hety manumient — simvał pamiaci hierojaŭ-abaroncaŭ Bresckaj krepaści, jakija, prajaviŭšy niepachisnuju mužnaść, pamirali, ale nie zdavalisia dziela ahulnaj Pieramohi nad nacyzmam. Žurnalistam CNN niališnim budzie ŭspomnić, što ŭ toj Vajnie, śviaščennaj dla rasijskaha naroda, sałdaty našych krain zmahalisia razam», — zaznačajecca ŭ zajavie rasijskaha dypłamata.
U MZS RF miarkujuć, što «kiraŭnictvu CNN varta atrymać samyja surjoznyja ŭroki z taho, što zdaryłasia, z tym, kab takoje bolš nie paŭtarałasia».
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary