Kurs dalara ŭ Kazachstanie — partniora Biełarusi pa Mytnym sajuzie — dasiahnie adznaki 185 tenhie, paviedamlaje Tengrinews.kz sa spasyłkaj na pres-słužbu Nacbanka Respubliki Kazachstana.
Nacyjanalny bank Kazachstana pryniaŭ rašeńnie «admovicca z 11 lutaha 2014 ad padtrymańnia abmiennaha kursu tenhie na raniejšym uzroŭni, źnizić abjomy valutnych interviencyj i skaracić umiašańnie ŭ praces farmiravańnia abmiennaha kursu tenhie», paviedamiła viedamstva.
U Centrabanku zaznačyli, što devalvacyja tenhie była nieabchodnaja «dla adnaŭleńnia źniešniaj kankurentazdolnaści abmiennaha kursu tenhie, źniešniehandlovaha bałansu ekanomiki RK i padtrymańnia kankurentazdolnaści ajčynnych tavaravytvorcaŭ».
Taksama Nacbank Kazachstana nazyvaje adnoj z pryčyn, niavyznačanaść adnosna abmiennaha kursu rasijskaha rubla, jaki ŭ 2013 h. asłab na 7,1% adnosna dalara, stan płajožnaha bałansu RK, rost impartu, a taksama vysokija devalvacyjnyja čakańni ŭ ekanomicyi.
Aficyjny kurs Nacbanka na 11 lutaha byŭ ustanoŭleny na ŭzroŭni 155,5 tenhie za dalar ZŠA. Takim čynam aficyjna tenhie devalvavany na 19%.
Razam z tym šerah bankaŭ pradaje dalar bolš čym pa 200 tenhie.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary