Domračava: Serca pakazała mamie, a nie Bjorndalenu; Łukašenka kvateru nie abiacaŭ
Na pres-kanfierencyi alimpijskaja čempijonka Sočy-2014 Darja Domračava zrabiła važnuju zajavu:
«Pierad cyrymonijaj adkryćcia Hulniaŭ mnie prapanavali nieści ściah Biełarusi. Ale, bieručy ŭdzieł u cyrymonii, ja mahła prastyć i zhubić formu.
Vyrašyła: «Tak, nieści ściah — vielizarny honar. Ale lepš ja pryniasu jaho z saboj na finiš padčas honki! «Jak bačycie, tak i vyjšła» — zahučali apładysmienty.
— Vašy płany na viečar?
— Dopinh-kantrol, daroha ŭ haścinicu, masaž i adpačynak. Z kamandaj trošački pakryčym-patancujem — chvilin dziesiać. A narmalna adznaču pa viartańni dadomu. Viasnoj.
— Vicy Siemiarency (Ukraina) paśla bronzy spryntu patelefanavaŭ prezident Viktar Janukovič (słuchaŭku joj pieradaŭ staršynia ŭkrainskaha NAK Siarhiej Bubka) i paviedamiŭ, što doryć joj dvuchpakajovuju kvateru. Vam nie telefanavali?
— Zavočnaje vinšavańnie ad našaha prezidenta ja atrymała, tak. Mnie pieradali, jon čakaje sustrečy sa mnoj. Mabyć, užo pa viartańni ŭniz sa stadyjona. Trochpakajovaj kvatery pakul nie abiacaŭ. A tam pahladzim.
- Kamu vy pakazali sercajka na finišy? Ule Ejnaru Bjorndalenu? — pytańnie było zadadziena žančynaj balzakaŭskaha ŭzrostu na anhlijskaj movie.
— Nie. Heta dla majoj mamy.
— Vy z Ule sustrakajeciesia? Pra vaš raman chodziać čutki ŭ hazietach i ŭ internecie, — žančyna nie supakojvałasia.
— My sapraŭdy dobryja siabry. Astatniaje — pryvatnaje žyćcio. Ja nie chaču rabić nijakich zajavaŭ. Asabistaje — heta asabistaje. Sory!
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu11
Kamientary