Biełaruska bliskuča praviała honku pieraśledu (pahoniu) na Alimpijskich hulniach. Jana startavała tolki dziaviataj z 32 siekundami adstavańnia ad słavački Nastaśsi Kuźminoj. Miescy ŭ pahoni raźmiarkoŭvajucca pa vynikach spryntu.
Užo padčas pieršaha kiłamietra dystancyi stała zrazumieła, što łyžy ŭ Dašy pracujuć vydatna. Servismieny svaju spravu zrabili. Jana adrazu ž vyrvałasia na druhuju pazicyju, adyhraŭšy ŭ cichachodnaj Kuźminoj 18 siekund! A jašče i pieršaja stralba atrymałasia ŭzornaj.
Na druhi kruh Domračava sychodziła krychu adstajučy ad Kuźminoj, adnak vielmi chutka jaje nahnała, choć i nie imknułasia apiaredžvać supiernicu. I na stralbie niervy zdali mienavita ŭ słavački. A voś streły Darji znoŭ akazalisia trapnymi, na trasu jana syšła biezumoŭnym lidaram.
Stała zrazumieła, što dalej biełaruscy treba zmahacca tolki z saboj, a nie ź inšymi bijatłanistkami. Pry treciaj stralbie adna z kulaŭ trapiła ŭ habaryt, ale mišeń usio adno zakryłasia. Pierad apošniaj stralboj Darja mahła navat dazvolić sabie pudła. I apošni streł tak i nie zakryŭ talerački. Ale navat hetaha chapiła dla vielmi kamfortnaha finišu.
U vyniku jana vyjhrała ŭ srebranaj pryziorki narviežki Tury Bierhier bolš za paŭchviliny. Heta pry tym, što Domračava finišavała sa ściaham, a heta značyć zhubiła niejkija imhnieńni.
Heta pieršy miedal biełarusaŭ na Alimpijadzie ŭ Sočy. I druhi miedal Domračavaj na Hulniach. Pieršy (bronza) čatyry hady tamu jana zavajavała ŭ kanadskim Vankuviery.
Taksama jana dvojčy vyjhravała Čempijanat śvietu.
Darja – samaja chutkaja bijatłanistka śvietu. Joj 27 hadoŭ, u bijatłonie spartsmieny časta pačynajuć raskryvacca tolki paśla tryccaci. Naradziłasia ŭ Minsku, ale hadavałasia ŭ Ciumienskaj vobłaści, kudy pierajechali baćki. Tam i stała vučycca bijatłonu. Kali paŭstaŭ vybar, za jakuju krainu vystupać, Domračava abrała Biełaruś.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary