Pravaachoŭniki Łuckaha haradskoha adździeła milicyi ŭ Vałynskaj vobłaści aficyjna zajavili pra svaju salidarnaściu z pratestoŭcami i pierajšli na bok naroda.
Pra heta ŭ sieradu, 19 lutaha, paviedamiŭ načalnik Łuckaj milicyi Vasil Marčyšak, infarmuje Voliń.Post.
Prykładna kala 11.40 kałona mitynhoŭcaŭ padyšła da hałoŭnaha haradździeła Łucka. Da pratestoŭcaŭ vyjšaŭ načalnik milicyi i abviaściŭ, što pravaachoŭniki «zdajucca».
«Milicyja nie choča kanfliktu i pierachodzić na bok naroda», — adznačyŭ Marčyšak.
Paśla hetaha aktyvisty i milicyjanty praviali abmien ryštunku — atestantam vydali pałki i šlemy. Ahniastrelnaj zbroi ŭdzielnikam akcyj pratestu nie vydavali. Pra heta aktyvisty papiarednie damovilisia sa staršynioj vałynskaj milicyi Alaksandram Cieraščukom.
Taksama paviedamlajecca, što milicyja Čarnaŭcoŭ zajaviła pra pierachod na bok mitynhoŭcaŭ.
U Čarnaŭcach da mitynhoŭcaŭ na płoščy pierad abłasnoj dziaržaŭnaj administracyjaj padyšoŭ načalnik abłupraŭleńnia UMUS Alaksandr Dziamidaŭ, jaki zajaviŭ, što «Bukavinskaja milicyja z narodam». Ludzi sustreli hetuju zajavu apładysmientami i vokličami «Ura!» i skandavańniem «Milicyja z narodam!».
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ20
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary