Zamaskvarecki sud Maskvy ŭ paniadziełak, 24 lutaha, prysudziŭ siemiarych fihurantaŭ «bałotnaj spravy» da terminaŭ ad dvuch z pałovaj da čatyroch hadoŭ kałonii. Akramia taho, abvinavačanaja Alaksandra Navumava (Duchanina) prysudžanaja da ŭmoŭnaha terminu.
Samy vialiki termin — čatyry hady kałonii ahulnaha režymu — atrymaŭ Siarhiej Kryvaŭ. Pavodle viersii abvinavačvańnia, na Bałotnaj płoščy Kryvaŭ schapiŭ adnaho palicejskaha i pasprabavaŭ adabrać u jaho dubinku. Taksama Kryvaŭ ŭdaryŭ jašče adnaho supracoŭnika palicyi.
Andrej Barabanaŭ, jaki zhodna z rašeńniem suda ŭdaryŭ palicejskaha pa hałavie i pa korpusie, pryhavorany da troch hadoŭ i siami miesiacaŭ źniavoleńnia. Dzianis Łuckievič, Ściapan Zimin i i Alaksiej Palichovič atrymali pa try z pałovaj hady realnaha terminu. Łuckievič, zhodna z abvinavaŭčaha źniavoleńnia, udaryŭ adnaho palicejskaha, a ŭ inšaha adabraŭ šlem. Zimin kinuŭ niekalki kamianioŭ. Palichovič pieraškadžaŭ palicejskim zatrymlivać udzielnikaŭ šeścia.
Da dvuch z pałovaj hadoŭ sud prysudziŭ Jarasłava Biełavusava, Arciom Savieljeŭ atrymaŭ dva hady i siem miesiacaŭ źniavoleńnia. Sud znajšoŭ padstavy dla pryznačeńnia im pakarańnia mienšaha za nižejšuju miažu. Biełavusaŭ na płoščy skandavaŭ łozunhi, a potym kinuŭ ćviordy šarapadobny pradmiet žoŭtaha koleru ŭ amapaŭca i trapiŭ jamu ŭ hrudzi. Savieljeŭ schapiŭ palicejskaha za ruku i za vopratku.
6 maja 2012 hoda na Bałotnaj płoščy adbylisia sutyknieńni pamiž palicejskimi i ŭdzielnikami ŭzhodnienaha šeścia. SK RF zavioŭ kryminalnuju spravu i kvalifikavaŭ jak masavyja biesparadki. Bolšaść fihurantaŭ spravy ličać, što biesparadkaŭ na płoščy nie było, a sutyčki z palicejskimi ŭźnikali z-za ahresiŭnych pavodzin supracoŭnikaŭ pravaachoŭnych orhanaŭ. Usiaho pa spravie prachodzili kala 30 čałaviek.
Kamientary