Kali ŭ susiednim lesie vysiakajuć drevy, chutka vy možacie daviedacca pra heta praktyčna ŭ realnym časie, dziakujučy novamu prajektu Global Forest Watch, raspracavanym Google u supracoŭnictvie ź Instytutam suśvietnych resursaŭ i jašče 40 arhanizacyjami.
Na sajcie apublikavanyja fatahrafii sa spadarožnikaŭ NASA za apošnija 13 hadoŭ. Bolš za toje, ałharytmy apracoŭki malunkaŭ dazvalajuć detalova padličyć abjomy stračanych i vyrasłych lasoŭ na kožnaj terytoryi i ŭ kožnaj krainie pa hadach. Naprykład, voś statystyka pa Rasii za 2000—2013 hh: straty — 36,5 młn ha, vyrasła tolki 16,2 młn ha (1-je miesca ŭ śviecie pa stratach lesu); Ukraina: -565 tys. ha, 353 tys. ha; Biełaruś: -416 tys. ha, 375 tys. ha.
Vysiečka lasoŭ idzie praktyčna va ŭsim śviecie. Zvodka pa ŭsich krainach pakazvaje ŭsiaho tolki niekalki dziaržavaŭ, dzie zialonaha pakryćcia stała bolš za apošnija 13 hadoŭ. Naprykład, Lesota i Jehipiet.
«Da taho momantu, kali my daviedajemsia ab vysiečcy lesu, zvyčajna ŭžo zanadta pozna što-niebudź pačynać, — piša Google u pres-relizie. — Navukoŭcy stahodździami vyvučajuć les, pakazvajučy na žyćciovuju važnaść hetaj ekasistemy dla čałaviečaha hramadstva. Ale bolšaść z nas da hetaha času nie maje svoječasovaj i dakładnaj infarmacyi ab tym, dzie, kali i čamu lasy źnikajuć. Heta pavinna źmianicca z zapuskam Global Forest Watch».
Prajekt koštam $25 młn pradstavić apieratyŭnuju infarmacyju ekołaham i aktyvistam ab tym, što adbyvajecca ŭ ich krainie i na navakolnych terytoryjach. Chutka na sajcie źjavicca servis abviestak, jakija buduć paviedamlać pra vysiečku lesu ŭ zadadzienaj miascovaści.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary