Historyk, relihijaznaŭca i palitołah, prafiesar kafiedry fiłasofii rasijskaha MHIMO Andrej Zubaŭ zvolnieny ź instytuta. Pryčynaj, mahčyma, stali antyvajennyja vystupy navukoŭca, u pryvatnaści, jaho niadaŭni artykuł u haziecie «Viedomosti».
«Praz zahadčyka kafiedry fiłasofii majmu baćku, Andreju Zubavu, pieradadziena, što rektar MHIMO zvalniaje jaho ź instytuta», — napisała ŭ fejsbuku jaho dačka Iryna Babrynskaja.
U subotu, 1 sakavika, u «Viedomostiach» źjaviŭsia artykuł Andreja Zubava «Heta ŭžo było». Jon pačynajecca słovami:
«Siabry. My na parozie. My na parozie nie ŭklučeńnia novaha subjekta ŭ skład RF. My na parozie poŭnaha razbureńnia sistemy mižnarodnych damovaŭ, ekanamičnaha chaosu i palityčnaj dyktatury. My na parozie vajny z našym najbližejšym, bratnim narodam Ukrainy, rezkaha paharšeńnia adnosin ź Jeŭropaj i Amierykaj, na parozie chałodnaj, a, mahčyma, i haračaj vajny ź imi».
Historyk analizuje situacyju ŭ Krymie i ŭkazvaje na ahulnyja rysy ciapierašniaha kryzisu ŭ adnosinach pamiž Rasijaj i Ukrainaj i dałučeńnia Aŭstryi da Treciaha Rejchu ŭ 1938 hodzie.
«Siabry! Nam treba apamiatacca i spynicca. Našy palityki ŭciahvajuć naš narod u strašnuju, žachlivuju avanturu. Histaryčny dośvied kaža, što ničoha nie abydziecca tak. My nie pavinnyja vieścisia, jak pavialisia ŭ svoj čas niemcy na abiacanki Hiebielsa i Hitlera. Dziela miru ŭ našaj krainie, dziela jaje sapraŭdnaha adradžeńnia, dziela miru i sapraŭdnaj družalubnaści na prastorach Rasii histaryčnaj, padzielenaj ciapier na mnohija dziaržavy, skažam «nie» hetaj varjackaj i, hałoŭnaje, zusim niepatrebnaj ahresii», — napisaŭ Zubaŭ.
Andrej Barysavič Zubaŭ (n. 1952) — doktar histaryčnych navuk, prafiesar kafiedry relihijaznaŭstva, fiłasofii i daktrynalnych dyscyplin Fiłasofska-bahasłoŭskaha fakulteta Rasijskaha pravasłaŭnaha instytuta sv. Iaana Bahasłova. prafiesar kafiedry fiłasofii MHIMO, hienieralny dyrektar Centra «Carkva i Mižnarodnyja adnosiny» MHIMO, člen Sinadalnaj biblejska-bahasłoŭskaj kamisii i Mižsabornaj prysutnaści RPC, adzin z aŭtaraŭ Asnoŭ sacyjalnaj kancepcyi RPC.
Kamientary