Ekśpiert: Kurs biełaruskaha rubla budzie źmianiacca
Košt zamiežnaj valuty pavinien karelavać sa źmianieńniem koštu biełaruskaha rubla — heta narmalny naturalny praces. Takoje mierkavańnie vykazaŭ siońnia namieśnik staršyni praŭleńnia AAT «Biełahraprambank» Siarhiej Čuhaj.
U adkazie na pytańnie, jak moža devalvacyja nacyjanalnych valut u krainach — asnoŭnych handlovych partniorach — paŭpłyvać na kurs biełaruskaha rubla, Siarhiej Čuhaj adznačyŭ:
«Kali pahladzieć retraśpiektyvu hoda, dvuch i jašče dalej, to nazirajecca dosyć pramaja suviaź pamiž kursami krain, našych asnoŭnych handlovych partnioraŭ, i kursam biełaruskaha rubla».
Tamu źmieny kursu biełaruskaha rubla buduć, miarkuje ekśpiert.
«Mnie zdajecca, nie varta navat niejak prasoŭvać ideju niaźmiennaha kursu va ŭmovach inflacyi. Košt zamiežnaj valuty pavinien karelavać sa źmianieńniem koštu biełaruskaha rubla — heta narmalny naturalny praces», — adznačaje Siarhiej Čuhaj.
«Razam z tym ja nie prychilnik devalvacyi jak niejkaj panacei biełaruskaj ekanamičnaj madeli, jakaja dazvoliła palepšyć naš ekspart ci jašče niejak istotna paŭpłyvać, — praciahnuŭ ekśpiert. — Liču, što štučnyja devalvacyi škodnyja biełaruskaj ekanomicy z-za śpiecyfiki našaha ekspartu, jaki maje vielmi vialikuju dolu pramiežkavaha impartu. Tamu nijakaha pazityvu ŭ adnamomantavaj vialiki devalvacyi niama».
Kamientary