U Połacku i Navapołacku — tydzień biez abortaŭ: uračy admaŭlajucca pravodzić abartacyju
U Połacku i Navapołacku startavała akcyja «Razam — u abaronu žyćcia». Z 27 sakavika pa 3 krasavika ŭ haradskich balnicach, radzilnych damach i žanočych kansultacyjach miedycynskija rabotniki admoviacca ad praviadzieńnia štučnaha pieraryvańnia ciažarnaści.
U miežach tydnia suprać abortaŭ u Połacku i Navapołacku projduć ahulnaškolnyja baćkoŭskija schody, na adkrytych placoŭkach haradoŭ adbuducca vuličnyja akcyi pa razdačy bukletaŭ u abaronu žyćcia, budzie arhanizavana sacyjalnaja rekłama pa prafiłaktycy abortaŭ i prapahandzie siamiejnych kaštoŭnaściaŭ.
Projduć majstar-kłasy pa navučańni vałancioraŭ prapahandzie siamiejnych kaštoŭnaściaŭ i prafiłaktycy zaležnaściaŭ, litaraturna-muzyčnaja haścioŭnia z udziełam litarataraŭ, mastakoŭ i muzykantaŭ rehijonu, pryśviečanaja temam siamji, maciarynstva i abarony žyćcia, prezientacyi tematyčnych adukacyjnych prajektaŭ.
27 sakavika ŭ radzilnym domie Navapołackaj centralnaj haradskoj balnicy prajšoŭ forum «Tradycyjnyja duchoŭna-maralnyja kaštoŭnaści jak asnova nacyjanalnaj demahrafičnaj biaśpieki Biełarusi», a 28 sakavika ŭ lekcyjnaj zale Navapołacka adbudziecca navukova-praktyčny sieminar «Rola miedycyny i akušeraŭ-hiniekołahaŭ u vyrašeńni demahrafičnaj prablemy ŭ Biełarusi va ŭmovach XXI stahodździa» i majstar-kłasy pa kansultavańni žančyn u situacyjach kryzisnaj ciažarnaści.
Jak paviedamlajuć arhanizatary, akcyja pravodzicca ŭ miežach realizacyi Nacyjanalnaj prahramy demahrafičnaj biaśpieki Respubliki Biełaruś na 2011—2015 hady i zaćvierdžana mitrapalitam Minskim i Słuckim, patryjaršym ekzarcham usiaje Biełarusi Paŭłam, ministram achovy zdaroŭja Vasilom Žarko i staršyniom Viciebskaha abłvykankama Alaksandram Kosincam.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary