Hieraizm na futbolnym poli: va ŭkrainskim čempijanacie hulec adnoj kamandy vyratavaŭ žyćcio supierniku VIDEA
Futbalist dnieprapiatroŭskaha «Dniapra» Džaba Kankava vyratavaŭ žyćcio kieiŭskamu dynamaŭcu Alehu Husievu. Heta zdaryłasia na 22-j chvilinie matču «Dniapro» — «Dynama», piša aficyjny sajt kijeŭskaha kłuba.
Hałkipier «Dniapra» Dzianis Bojka padčas hulniavoha momantu nalacieŭ na Husieva, trapiŭšy kalenam u hałavu.
U vyniku sutyknieńnia dynamaviec zhubiŭ prytomnaść i pavaliŭsia na hazon.
Džaba Kankava kinuŭsia da jaho i zrabiŭ nieabchodnuju pieršuju dapamohu jašče da taho, jak na poli źjavilisia daktary.
Aleha chutka pryviali ŭ siabie i razam z kamandaj jon viarnuŭsia ŭ Baryspal, adkul jaho zabrała kareta chutkaj dapamohi.
Dyrektar kliniki Michaił Raducki paśla ahladu spartsmiena napisaŭ: «Mahu skazać adno — futbalist «Dniapra» vyratavaŭ žyćcio Alehu.
Bo ŭsio adbyvałasia paźniej, nie viedaju, jakija byli b nastupstvy. Hulec «Dniapra» zrabiŭ usio jak vielmi kvalifikavany doktar chutkaj dapamohi».
Ciapier, pa słovach doktara, stan Aleha zdavalniajučy. U jaho dyjahnastavali strasieńnie mozhu 1-j stupieni i paškodžańni niekalkich zuboŭ.
Frahmient videa, na jakim Kankava ratuje supiernika mienši čym za sutki sabraŭ amal miljon prahladaŭ na YouTube, a samoha Džaba stali nazyvać sapraŭdnym hierojem.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary