«Pravy siektar» abviaściŭ praviadzieńnie ŭ subotu, 5 krasavika, u 12:00 na Majdanie Niezaležnaści subotnika. Pra heta havorycca ŭ paviedamleńni, raźmieščanym na sajcie partyi.
U miežach subotniku pavinny sabracca «Pravy siektar» i inšyja hramadskija arhanizacyi, jakija brali aktyŭny ŭdzieł u revalucyjnych padziejach apošnich miesiacaŭ. Meta ich akcyi — naviadzieńnie paradku na hałoŭnaj płoščy krainy i ŭborka śmiećcia.
«Abarončyja zbudavańni, uźviedzienyja aktyvistami Majdanu, vykanali svaju funkcyju. Usie, chto chacieŭ sfatahrafavacca na pamiać ab revalucyi na ich fonie, zmahli heta zrabić. Para viartacca da mirnaha žyćcia, rychtavacca da Vialikadnia. A napiaredadni hetaha śviata, jak viadoma, treba prybirać svajo žyllo, svoj dvor i svoj horad», — zajaŭlajuć u «Pravym siektary».
Kamientary