Pieršy vice-premjer RF Ihar Šuvałaŭ, havoračy ab nieabchodnaści pierarehistracyi rasijskich kampanij na Maskoŭskaj biržy, nie mieŭ na ŭvazie, što emitenty ŭ prymusovym paradku pavinny syści z zachodnich biržaŭ. Pra heta paviedamiŭ pradstaŭnik sakrataryjata Šuvałava, kamientujučy chvalu publikacyj, jakija rušyli za siońniašnimi zajavami pieršaha vice-premjera.
«Ab prymusovym delistynhu z zachodnich placovak nichto nie kazaŭ», — skazaŭ pradstaŭnik Šuvałava. Jon rastłumačyŭ, što ŭrad «apošnija paru hadoŭ pracuje nad viartańniem rasijskaha fondavaha rynku na Maskoŭskuju biržu», a «ŭ śviatle apošnich padziej hetaja zadača stanovicca jašče bolš aktualnaj». Pavodle jaho słoŭ, kampanii pavinny praanalizavać hetuju rekamiendacyju i pryniać samastojnaje rašeńnie, hruntujučysia na svajoj śpiecyficy.
Maskoŭskaja birža pavinna stać pryjarytetnaj placoŭkaj dla raźmiaščeńnia rasijskich aktyvaŭ, zajaviŭ siońnia pieršy vice-premjer RF Ihar Šuvałaŭ pa vynikach narady va ŭradzie RF.
«Usim emitentam varta razhledzieć mahčymaść pierarehistracyi na Maskoŭskaj biržy — heta pytańnie ich ekanamičnaj biaśpieki», — adznačyŭ Šuvałaŭ. «My nikoha nie možam pryciahvać, aryjentavać, ale ŭrad RF choča danieści svoj punkt hledžańnia: u ramkach karparatyŭnych pracedur kampanijam i ich radam dyrektaraŭ treba razhledzieć pytańnie ab metazhodnaści dalejšaha praciahu zvarotu ich akcyj na zamiežnaj biržy», — skazaŭ jon, dadaŭšy, što ŭ kožnaj peŭnaj situacyi «treba razhladać usie «za» i «suprać».
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju27
Kamientary