Alaksandr Łukašenka ličyć, što Viktaru Janukoviču nieabchodna było vykarystać uładu, a nie biehčy z Ukrainy ŭ składany pieryjad.
Ab hetym jon zajaviŭ u intervju prahramie «Siońnia. Vynikovaja prahrama» telekampanii NTV.
Łukašenka taksama skieptyčna pastaviŭsia da tłumačeńnia, što Viktar Janukovič pastupiŭ takim čynam z metaj praduchilić krovapralićcie.
«Nu nie pralivać. Ale praliŭ ža — sto ź lišnim čałaviek zahinuli, a potym u balnicach kolki pamierła! Voś taki čyścieńki i puchnacieńki, jon nie chacieŭ pralivać kroŭ … A kolki paśla hetaha zahinuła ludziej i hinie zaraz, maradziorstva, kolki spalena damoŭ, kolki siemjaŭ i dziaciej paciarpieła i da hetaha času pakutuje?! Jon pra heta padumaŭ?», — skazaŭ Łukašenka.
«Nie treba było pralivać — nie treba było dapuskać da hetaha! Što heta takoje, najpryhažejšy horad, a zładzili tam «nužnik» niejki ŭ centry…
Tak ich tam amal nikoha nie było. Tak tady treba było damaŭlacca ci razhaniać, abo razvozić, abo hrošy im davać, ale treba było vyrašać hetuju prablemu. A jana rasła», — adznačyŭ kiraŭnik dziaržavy.
Na dumku Alaksandra Łukašenki, z «majdanaŭcami» možna i treba było damaŭlacca i, vykarystoŭvajučy isnujučy arsienał srodkaŭ i mietadaŭ, vychodzić z kryzisu ŭ kanstytucyjnym rečyščy.
«Tamu hetyja ŭsie razmovy ab tym, što nie chacieŭ, kab kroŭ praliłasia, što nijakaja ŭłada nie varta kropli kryvi… Nu, heta pravilna, ale heta takaja pieśnia, viedajecie, dla taho, kab na telebačańni dzieści vystupić. A paŭnamoctvy svaje treba było zhodna z Kanstytucyjaj i zakonaŭ ažyćciaŭlać», — upeŭnieny Alaksandr Łukašenka.
U intervju kiraŭnik Biełarusi taksama kanstatavaŭ, što ŭłada ŭ Ukrainie była praciata karupcyjaj, što ŭ tym liku pryviało da razvału ekanomiki i stvaryła sacyjalnuju napružanaść: «Heta ž kašmar — usiudy va ŭładzie siadzieli ludzi, jakija hladziać, jakija ad padačak častku adšpilvali, i ŭsio heta pastupała navierch. Siamja pačała smačnyja kavałki padbirać pad siabie».
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA117
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary