Pjanyja rasijskija vajskoŭcy žorstka raspravilisia ź siamjoj z Pakroŭska, jakaja čakała «vyzvaleńnia» ad Ukrainy
Žančyna raskazała palicyi, što vajskoŭcy zabili jejnaha muža, a paśla pa čarzie zhvałcili jaje.
Žycharka Pakroŭska Viktoryja Švajko raskazała, što ŭnočy 23 śniežnia ŭ jaje dom uvarvalisia troje pjanych rasijskich vajskoŭcaŭ. Videa jaje śviedčańniaŭ śledčamu apublikavali telehram-kanały.
Žančyna raskazvaje, što tyja vajskoŭcy byli z 30‑j asobnaj motastrałkovaj bryhady 2‑j hvardziejskaj ahulnavajskovaj armii. Ich pazyŭnyja — «Uśmieška», «Stroj» i «Šuchier».
Vajskoŭcy stali stralać u domie, ździekavacca z muža žančyny, stralali ŭ jaho nad hałavoj i pa nahach, źbivali prykładami i nahami.
«Potym «Šuchier» uziaŭ, streliŭ u hałavu. Jašče stajali, razhladali, kamientavali. Voka vylezła. Potym «Uśmieška» ŭziaŭ zrabiŭ jašče adzin kantrolny ŭ hałavu. Navošta, ja naohuł nie viedaju, było ździekavacca dalej? I ŭ serca», — raskazvaje žančyna ŭ videa.
Paśla vajskoŭcy zaciahnuli Viktoryju ŭ spalniu i hvałtavali jaje pa čarzie, pahražali zabojstvam.
«Kali ja zaraz pačnu supraciŭlacca, jany mianie prosta zastrelać. Mnie treba było vyžyć dziela dački, bo jana ŭ nas adna, jana nie vytrymała b śmierć i taty, i mamy», — kaža žančyna.
Śviakrusie, jakaja taksama žyła ŭ tym domie i jakuju sałdaty chacieli zabić, udałosia ŭciačy i papiaredzić susiedziaŭ.
Viktoryja maliła vajskoŭcaŭ spynicca i nie padpalvać dom. Žančyna kaža, što jaje muž čakaŭ Rasiju.
«Jon tak čakaŭ Rasiju. (…) Jon kaža: ja pajdu navat vajavać, kiroŭcam pajdu, patrebnyja kiroŭcy».
Vajskoŭcy jaje nie słuchali i padpalili dom.
Paźniej sałdat z pazyŭnym «Uśmieška» praćvierazieŭ i staŭ pierad žančynaj na kaleni, paprasiŭ prabačeńnia i pieradaŭ bankaŭskuju kartu, kab adkupicca.
Rasija sprabuje zachapić Pakroŭsk apošnija paŭtara hoda. Ukrainskija vojski pakul utrymlivajuć paŭnočnyja kvartały horada.
Na Šry-Łancy ŭ 37 hadoŭ pamior biełaruski kinapradziusar Andrej Matałyha3
Kamientary
Ona doždałaś.