U Minabarony patłumačyli, što padčas antyterarystyčnych apieracyj na ŭschodzie Ukrainy nie zadziejničajuć bronietechniku, tamu što jaje ŭžyvajuć dla inšych taktyčnych zadač.
Pra heta namieśnik ministra abarony Ukrainy Piotr Miechied zajaviŭ na pres-kanfierencyi, adkazvajučy na pytańnie žurnalistaŭ, čamu ŭ Słaviansku i inšych haradach na ŭschodzie Ukrainy nie zadziejničajuć ciažkuju bronietechniku Ministerstva abarony dla prykryćcia śpiecpadraździaleńniaŭ SBU i MUS padčas antyterarystyčnych apieracyj.
«U adpaviednaści z taktykaj prymianieńnia sił i srodkaŭ, pry kožnaj bajavoj apieracyi prymianiajecca taja technika, jakaja patrebna mienavita dla hetaha. Naprykład, na vyšyni zvyš 2354 mietraŭ nielha vykarystoŭvać tanki, a BTRy taksama majuć svajo abmiežavańnie pa vyšyni. Chto słužyŭ va Uzbrojenych siłach, viedaje heta. A tam, dzie treba akazvać dapamohu Unutranym vojskam, my akazvajem. Ale my nie ŭžyvajem zbroju suprać mirnaha nasielnictva», — skazaŭ Miechied.
U toj ža čas Miechied zajaviŭ, što ludziej u cyvilnym z ahniastrelnaj zbrojaj ciažka nazvać mirnymi.
Pa prośbie prakamientavać, jakim čynam rasijskija dyviersanty pranikajuć na terytoryju Ukrainy, Miechied zajaviŭ, što jany majuć niekalki varyjantaŭ praniknieńnia na terytoryju Ukrainy.
«Kali havaryć z pazicyi čysta vajennaj, to jak pałkoŭnik zapasu ja mahu skazać, što jość ceły šerah mahčymych varyjantaŭ, jak rasijskim vojskam trapić na terytoryju Ukrainy ci jak va Ŭkrainie im składavać peŭnuju kolkaść zbroi, albo zachapić peŭnuju ŭstanovu siłavoj struktury Ukrainy», — skazaŭ Miechied.
Kamientary