U toj čas, jak rasiejskija ahienty pranikajuć va Ŭschodniuju Ŭkrainu pry padtrymcy prykładna 40 tys. vajskoŭcaŭ, raźmieščanych uzdoŭž miažy, Bieły dom bačyć, što Ŭładzimier Pucin uzvažvaje try scenary, i ŭsie jany niepažadanyja dla Zachadu, piša The Washington Post.
1) Dziejny ŭrad Ukrainy zrobić krok u bok Maskvy. Na hetym tydni jon daŭ zrazumieć, što zruchi ŭ hetym kirunku mahčymyja ŭ suviazi ź biesparadkami va Ŭschodniaj Ukrainie. Pucin prasoŭvaje plan decentralizacyi, jaki daść rasiejskamoŭnamu ŭschod stolki ŭłady, što Rasieja atrymaje, pa-sutnaści, prava vieta va ŭkrainskaj palitycy.
2) Aneksija Ŭschodniaj Ukrainy pa madeli Krymu. Prarasiejskija «demanstranty» va ŭschodnich haradach užo zapatrabavali referendumu pa dałučeńni da Rasiei.
3) Uvarvańnie na padstavie hramadzianskaj vajny va Ŭschodniaj Ukrainie. Kali dziejučaja ŭłada Kijeva pojdzie na žorstkija miery, Pucin moža skarystacca hetym jak apraŭdańniem dla vajskovaha ŭmiašańnia.
Amerykanskija analityki miarkujuć, što Pucin naŭrad ci vyrašycca na ŭvarvańnie, piša karespandent. Jon addaje pieravahu bačnaści lehitymnaści, i instynkty byłoha raźviedčyka padšturchoŭvajuć jaho chutčej da tajemnaj vajenizavanaj aperacyi, čym da pierakidcy tankaŭ praź mižnarodnuju miažu. Ale rasiejskija vojski padrychtavanyja da praciahłaha znachodžańnia ŭ miescach dyślakacyi, što źjaŭlajecca tryvožnym syhnałam: Pucin nie pakinie pahrozu siłaj, pakul jaho patrabavańni nia buduć vykananyja, havorycca ŭ artykule.
Stratehija Baraka Abamy hruntujecca na tym, kab prymusić Pucina zapłacić za svoj avanturyzm ŭ praciahłaj perspektyvie. Kali rasiejski lider nie raspačnie chutkich krokaŭ pa deeskalacyi kryzisu, ZŠA ažyćciaviać miery, jakija mohuć u bližejšyja hady istotna asłabić Rasieju. Siarod hetych mier mohuć być sankcyi ŭ adnosinach da rasiejskaha ekspartu enerhanośbitaŭ i zbroi, raźmiaščeńnie amerykanskich vojskaŭ NATO ŭ krainach Bałtyi, enerhičnyja namahańni pa skaračeńni zaležnaści Eŭropy ad rasiejskaha hazu, paviedamlaje aŭtar artykułu.
«Zadača Abamy zaraz składajecca ŭ tym, kab pierakanać sajuźnikaŭ i praciŭnikaŭ, što jon hatovy adstojvać padtrymańnie mižnarodnaha paradku. Kali jon nie prademanstruje hetuju hatoŭnaść, Pucin praciahnie svaje dziejańni», — zaklučaje karespandent The Washington Post Devid Ihnatyjus.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary