Za ličanyja hadziny chešteh # VizitkaJaroša ŭvajšoŭ u suśvietnyja trendy.
Siońnia rasijskija ŚMI paviedamili pra sutyknieńni na adnym z błokpastoŭ sieparatystaŭ u Słaviansku. Nibyta stralbu adkryli nieviadomyja, jakija padjechali na niekalkich mašynach. Paviedamlajecca ab zahinuŭšych jak z boku tych, chto napadaŭ, tak i z boku ŭdzielnikaŭ sieparatysckaha ruchu. U paviedamleńniach havaryłasia, što sieparatystam udałosia zachapić dźvie mašyny — u ich była znojdziena simvolika «Pravaha siektara» i zbroja, jakaja nie staić na ŭzbrajeńni ŭkrainskaj armii. Taksama, pavodle paviedamleńniaŭ rasijskich ŚMI, u spalenaj mašynie była znojdzienaja vizitoŭka lidara «Pravaha siektara» Dmytra Jaraša.
U svaju čarhu ŭ SBU zajavili, što ŭ Słaviansku nie było nivodnaj arhanizacyi, akramia samich rasiejskich dyviersantaŭ i pradstaŭnikoŭ kryminalitetu, jakich padtrymlivajuć i ŭzbrojvajuć aficery HRU VS RF, a ŭkrainskija ekśpierty schilajucca da mierkavańnia, što Rasija takim čynam stvaraje nahodu dla ŭvarvańnia. Dziŭny napad na błokpost nie zastaŭsia niezaŭvažanym i ŭ asiarodździ błohieraŭ. U sacyjalnych sietkach navat źjaviŭsia śpiecyjalny chešteh (klučavoje słova sa znakam # u pačatku) #VizitkaJaroša, jaki imkliva ŭvajšoŭ u suśvietnyja trendy Tvitara. Prapanujem vam padborku fotožabaŭ i tvitaŭ na temu #VizitkaJaroša.
A voś niekalki žartaŭ ad karystalnikaŭ sacsietak pra «vizitkujaraša»:
- Budziecie raźličvacca hatoŭkaj?
- Nie, #VizitkaJaroša.
#VizitkaJaroša pamahaje ad urokaŭ, prynosić kišmiš i niašmiaš.
Navat nie viedaju, što bolšy cud: dabratvorny ahoń u Jerusalimie ci #VizitkaJaroša u Słaviansku.
«Hary Potar i #VizitkaJaroša».
Kala miesca padzieńnia tunhuskaha mietearyta była znojdzienaja #vizitkajaroša.
Ruskija vučonyja ŭ Antarktydzie znajšli sakretny niamiecki bunkier. Dźviery byli zabłakavanyja, ale stary terminał pryniaŭ vizitoŭku Jaraša.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary