U Biełarusi ŭ druhoj pałovie tydnia nienadoŭha pachaładaje, ale budzie sucha.
Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 14 krasavika padčas videabryfinhu.
«A pakul pieršuju pałovu tydnia zachavajecca ciopłaje, ale vilhotnaje nadvorje. Umovy nadvorja budzie vyznačać ciopłaja vilhotnaja pavietranaja masa», — raskazaŭ sinoptyk.
U aŭtorak nočču miescami, dniom na bolšaj častcy terytoryi respubliki karotkačasovyja daždžy. U dzionnyja hadziny ŭ asobnych rajonach navalnicy. Nočču i ranicaj miescami słaby tuman. Tempieratura pavietra minimalnaja nočču plus 6—12°S, maksimalnaja dniom plus 16—22°S, pa paŭdniovym zachadzie da plus 24°S.
U sieradu nočču ŭ asobnych rajonach, dniom pieravažna pa paŭdniovaj pałovie karotkačasovyja daždžy, mahčymyja navalnicy. Tempieratura pavietra minimalnaja nočču plus 7—12°S, maksimalnaja dniom ad plus 12°S pa poŭnačy da plus 24°S pa poŭdni.
«Z čaćviarha pačniecca pachaładańnie, čamu budzie spryjać raspaŭsiudžvańnie trapaśfiernaj łahčyny z Arktyki. Viecier pavierniecca na paŭnočny, tempieratura adydzie ad majskich značeńniaŭ. Viernucca načnyja zamarazki», — zaznačyŭ Rabaŭ.
U čaćvier pieravažna biez apadkaŭ, tolki nočču miescami pa poŭdni krainy karotkačasovyja daždžy. Tempieratura pavietra minimalnaja nočču plus 1—6°S, u paŭdniovych rajonach plus 7—9°S, pa Viciebskaj vobłaści miescami zamarazki da 0 — minus 2°S, maksimalnaja dniom plus 8—14°S, pa paŭdniovym zachadzie plus 15—17°S.
U piatnicu — subotu biez apadkaŭ. Tempieratura pavietra minimalnaja nočču plus 1—7°S, na hlebie i miescami ŭ pavietry zamarazki da 0 — minus 4°S, maksimalnaja dniom plus 11—17°S, pa paŭdniovym zachadzie miescami da plus 19°S.
U niadzielu biez apadkaŭ. Tempieratura pavietra minimalnaja nočču plus 1—7°S, pa paŭnočnym uschodzie zamarazki da 0 — minus 3°S, maksimalnaja dniom plus 13—19°S.
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili4
Kamientary