Vyznačany adznaki, jakija na CT u 2014 hodzie buduć pryraŭnoŭvacca da niezdavalniajučych
Vyznačanyja adznaki, jakija buduć pryraŭnoŭvacca da niezdavalniajučych pa vynikach centralizavanaha testavańnia (CT) u 2014 hodzie. Takoje rašeńnie źmiaščajecca ŭ pastanovie Ministerstva adukacyi Respubliki Biełaruś ad 10 krasavika 2014 h. №34.
Jak adznačyli ŭ pres-centry Minadukacyi, ustanoŭlena, što dla asob, jakija pastupajuć dla atrymańnia vyšejšaj adukacyi I stupieni, adznakami pa vučebnych pradmietach, jakija pryraŭnoŭvajucca da niezdavalniajučych pa vynikach CT, u bałach pa stobalnaj škale ad 0 da 100 bałaŭ (uklučna), źjaŭlajucca:
ad 0 da 9 bałaŭ (uklučna) — pa ruskaj i biełaruskaj movach;
ad 0 da 14 bałaŭ (uklučna) — pa matematycy, fizicy, chimii i bijałohii;
ad 0 da 19 bałaŭ (uklučna) — pa historyi Biełarusi, suśvietnaj historyi najnoŭšaha času, hramadaznaŭstvie, hieahrafii, zamiežnych movach (anhlijskaja, niamieckaja, francuzskaja, ispanskaja).
Dla asob, jakija pastupajuć dla atrymańnia vyšejšaj adukacyi I stupieni ŭ vočnaj (dzionnaj) formie atrymańnia adukacyi za košt srodkaŭ respublikanskaha biudžetu pry ažyćciaŭleńni dadatkovaha naboru ŭ dziaržaŭnyja ŭstanovy vyšejšaj adukacyi na miescy, što zastalisia vakantnymi paśla zaličeńnia abituryjentaŭ, takimi adznakami źjaŭlajucca:
ad 0 da 4 bałaŭ (uklučna) — pa ruskaj i biełaruskaj movach;
ad 0 da 9 bałaŭ (uklučna) — pa matematycy, fizicy, chimii i bijałohii;
ad 0 da 14 bałaŭ (uklučna) — pa historyi Biełarusi, suśvietnaj historyi najnoŭšaha času, hramadaznaŭstvu, hieahrafii, zamiežnych movach (anhlijskaja, niamieckaja, francuzskaja, ispanskaja).
Pastanova ŭstupaje ŭ siłu paśla jaje aficyjnaha apublikavańnia.
Ciapier čytajuć
Pieršaha sakratara pasolstva Biełarusi ŭ ZŠA pasadzili za palityku1
Kamientary