Niazdolnaść i niežadańnie kijeŭskaj ułady pakłaści kaniec hvałtoŭnych dziejańniaŭ «Pravaha siektara» i inšych ŭltranacyjanalistaŭ, jakija ŭžo pryviali da čałaviečych achviar, staviać pad pahrozu vykanańnie pałažeńniaŭ Ženieŭskich pahadnieńniaŭ.
Pra heta zajaviŭ ministr zamiežnych spraŭ Rasii Siarhiej Łaŭroŭ u telefonnaj razmovie ź dziaržaŭnym sakratarom ZŠA Džonam Kery, pieradała pres-słužba rasijskaha MZS.
Jon zaklikaŭ dziaržsakratara «paŭpłyvać na Kijeŭ», kab «spynić aryšty i vyzvalić z-pad varty aktyvistaŭ ruchu pratestu ŭ paŭdniova-ŭschodnich rehijonach Ukrainy».
Łaŭroŭ taksama vykazaŭ nieabchodnaść «zaachvocić ciapierašniaje ŭkrainskaje kiraŭnictva da niaŭchilnaha vykanańnia ŭziatych na siabie abaviazacielstvaŭ, što dazvoliła b pačać deeskałacyju abstanoŭki».
Rasijski dypłamat padkreśliŭ nieabchodnaść bolš chutkaha zapusku kanstytucyjnaj reformy «z paŭnavartasnym udziełam usich asnoŭnych palityčnych sił i ŭsich rehijonaŭ krainy».
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary