Raniej isnavali dvuchpalarny śviet, ŭzajemnaje strymlivańnie i «žaleznaja zasłona», ciapier śviet multypalarny, a prezident Rasii Uładzimir Pucin choča zrabić jaho «biezpalarnym», dzie isnuje «adzinaje praviła — što nijakich praviłaŭ niama».
Pra heta zajaviŭ jeŭrakamisar Štefan Fiule ŭ intervju Radyjo «Svaboda».
«I heta žudasna», — padkreśliŭ jon.
Na dumku jeŭrakamisara, Rasija z samaha pačatku ličyła, što Ženeŭskaje pahadnieńnie datyčycca tolki ŭłady Ukrainy.
Kali Jeŭropa nie paŭstanie «dakładna, ćviorda i ŭ adzinstvie «suprać prapahandysckaj vajny Rasii, to nastupstvy dla jaje krain buduć vidavočnyja, — zajaviŭ Fiule.
«Ja ŭžo baču, jak mnostva papulistaŭ i nacyjanalistaŭ va ŭsim ES traplaje pad rasijskija prapahandysckija koły, i mianie pałochajuć mahčymyja nastupstvy» ŭ Jeŭropie, — skazaŭ jon.
Na dumku Fiule, Zachad zrabiŭ pamyłku, kali nie ŭspryniaŭ surjozna pasłańnie, jakoje padaŭ Pucin, kali zajaviŭ niekalki hadoŭ tamu, što raspad SSSR byŭ samaj vialikaj katastrofaj XX stahodździa.
«Pałova z nas paśmiajałasia, pałova nie zrazumieła, pra što idzie havorka», — adznačyŭ jeŭrakamisar.
«Na samicie NATA—Rasija ŭ Buchareście ŭ 2008 hodzie ja byŭ śviedkam, jak Pucin zajaviŭ što Ukraina — štučnaja kraina. Tady znoŭ pałova z nas paśmiajałasia, a pałova nie zrazumieła. Zaraz my ŭžo razumiejem. My ŭžo nie śmiajemsia», — zajaviŭ Fiule.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA118
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary