Paśla taho, jak rasiejski «Hazprom» i litoŭskaja kampanija Lietuvos dujos damovilisia ab novych cenach na haz, haz dla spažyŭcoŭ u Litvie ź lipienia patańnieje bolš čym na 20 %, zajaviŭ premjer Alhirdas Butkiavičus. Pavodle jaho słoŭ, dakładnyja ličby stanuć viadomyja ŭ kancy traŭnia.
«Zaraz viaducca padliki, tamu što da 1 studzień 2016 padpisana novaje pahadnieńnie pamiž Lietuvos dujos i «Hazpromam», i ŭ heta pahadnieńnie zakładziena novaja formuła, a jana patrabuje zrabić peŭnyja padliki z ulikam źmianieńniaŭ kursu dalara pa peŭny pieryjad. Ja spadziajusia, što my kančatkova budziem viedać 20-25 čysła hetaha miesiaca, i potym pradstavim u Kamisiju pa cenach, kab jana praanalizavała hetyja prapanovy i pryniała rašeńnie da 1 červienia, a jana (cana BNS) ustupić u siłu z 1 lipienia. Mahu skazać, što košt źnizicca na 20 %, nijak nie mienš», — skazaŭ Butkiavičus u intervju litoŭskamu radyjo ŭ aŭtorak.
Adnak kali jaho pierapytali, ci sapraŭdy košt źnizicca nastolki, premjer udakładniŭ, što kančatkovych padlikaŭ jašče niama.
«Ja jašče nie bačyŭ kančatkovych padlikaŭ, ci jana (cana) dakładna budzie takaja, moža, budzie i inšaja, siońnia ja jašče nie mahu śmieła śćviardžać, davajcie pačakajem jašče 2-3 tydni, i tady hramadskaść dakładna budzie viedać», — skazaŭ Butkiavičus.
Pavodle jaho słoŭ, Kamisija pa cenach daść acenku nie tolki prapanavanaj «Hazpromam» novaj canie na haz, ale i vydatkam na infrastrukturu budučaha terminała zvadkavanaha hazu, i inšych vydatkaŭ, ad jakich zaležyć cana na haz dla spažyŭcoŭ.
Pavodle nieaficyjnych dadzienych BNS, Kamisija pa cenach užo padličvaje, jak uklučyć u canu na haz dla spažyŭcoŭ źnižku, jakuju «Hazprom» prapanavaŭ zadniaj dataj — z 2013 hoda. Adnak, pavodle infarmacyi krynic, jość namier, kab cana na haz dla spažyŭcoŭ była maksimalna stabilnaj da samaha 2016 hoda, niezaležna ad faktaraŭ upłyvu ŭ budučyni, tamu nie vyklučaju, što ciapier jana źnizicca nie na adnu piatuju, a mienš.
«Hazprom» prapanavaŭ panizić canu na haz da kanca 2015 hoda, kali skončycca doŭhaterminovaja damova pastavak hazu z Lietuvos dujos. Butkiavičus na minułym tydni vykazaŭ nadzieju, što dalejšyja pieramovy ab pastaŭkach hazu z 2016 hoda buduć paśpiachovymi i cana na haz nie budzie horšaj.
Pa słovach premjera, Lietuvos dujos i «Hazprom» damovilisia ab «ŭdaskanalenaj» formule cany na haz. Adnak, pavodle infarmacyi krynic, canavaja formuła pa sutnaści zastajecca takoj ža, źmianiajecca tolki kaeficyjent.
Pa dadzienych dziełavoj haziety Verslo zinios, «Hazprom» prapanavaŭ pryvieści ŭ adpaviednaść canu na haz dla Litvy z canoj na pradavany Hiermanii rasijski haz (German Eastern border price) abo źviazać jaje z tak zvanym indeksam BAFA (Hiermanskaha fiederalnaha viedamstva pa ekanomicy i kantroli za ekspartam), jaki vyličvajecca šlacham uviadzieńnia za siaredni pakazčyk koštaŭ na haz usich krynic impartu hazu Hiermanii i z dadatkam kaeficyjenta na transparciroŭku.
Pa infarmacyi ź nieaficyjnych krynic, «Hazprom» prapanavaŭ, kab na praciahu troch apošnich hadoŭ ciapierašniaj damovy z «Hazpromam» (2013-2015 hady ) cana na haz składała kala 370 dalaraŭ ZŠA (prykładna 921 lit) abo na 24 % (kala 118 dalaraŭ ) mienš, čym ciapier (u sakaviku — 1215 litaŭ abo 488 dalaraŭ za 1 tys. kubamietraŭ).
Pa dadzienych krynic, zastaniecca i ŭmova damovy take or pay («biary abo płaci»), a hadavyja abjomy kupli hazu buduć prykładna 1 młrd. kubamietraŭ.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary