Pradstaŭniki Centrvybarkama Biełarusi voźmuć udzieł u nazirańni za prezidenckimi vybarami va Ukrainie, zapłanavanymi na 25 maja, paviedamiŭ sakratar Centralnaj kamisii Mikałaj Łazavik.
«Tak, my vyrašyli jechać u Kijeŭ», — skazaŭ Łazavik, zaznačyŭšy, što aprača jaho ŭ nazirańni voźmie ŭdzieł namieśnik staršyni CVK, dyrektar Nacyjanalnaha centra zakanadaŭstva i pravavych daśledavańniaŭ Vadzim Ipataŭ.
Zaprašeńnie biełaruskamu Centrvybarkamu ŭziać udzieł u nazirańni padpisana staršynioj Centralnaj vybarčaj kamisii Ukrainy Michaiłam Achiandoŭskim. U dakumiencie zaznačajecca, što Ukraina vitaje šyroki ŭdzieł mižnarodnych naziralnikaŭ u aznajamleńni z padrychtoŭkaj i praviadzieńniem prezidenckich vybaraŭ. Pradstaŭniki biełaruskaha CVK zaprošany ŭziać udzieł u nazirańni z 23 pa 26 maja.
Raniej Łazavik zaznačaŭ, što, «vidać, vybary buduć prachodzić u składanych palityčnych i ekanamičnych umovach». Jon vykazaŭ mierkavańnie, što ŭ takim stanoviščy arhanizataram vybaraŭ va Ukrainie budzie ciažka pracavać. «Aprača taho, vyklikaje sumnieńnie, ci va ŭsich rehijonach adbuducca vybary. A ŭ vypadku dalejšaha paharšeńnia hramadska-palityčnaha stanovišča vybary naohuł mohuć być pastaŭleny pad pahrozu zryvu», — skazaŭ jon.
Kamientary