Z 19 maja staŭka refinansavańnia Nacyjanalnaha banka budzie źnižana na 1 pracentny punkt i ŭstanoŭlena na ŭzroŭni 21,5% hadavych. Adpaviednaje rašeńnie pryniata praŭleńniem hałoŭnaha banka krainy.
Jak paviedamlaje ŭpraŭleńnie infarmacyi Nacbanka, hetaja miera dazvolić pavysić dastupnaść kredytaŭ pry adnačasovym zachavańni vysokaha ŭzroŭniu dachodnaści pa rublovych depazitach, jaki pieravyšaje dachodnaść depazitaŭ u zamiežnaj valucie.
«Nacyjanalny bank u mai pradoŭžyŭ pastupovaje źnižeńnie pracentnych stavak u ekanomicy, jakija znachodziacca na značnym stanoŭčym uzroŭni ŭ realnym vyražeńni. Pry hetym u cełym padychody da praviadzieńnia hrašova-kredytnaj palityki zastajucca dastatkova žorstkimi, sadziejničajučy padtrymańniu makraekanamičnaj zbałansavanaści», — havorycca ŭ paviedamleńni hałoŭnaha banka krainy.
Apošni raz staŭka refinansavańnia ŭ Biełarusi źnižałasia 16 krasavika. Tady jana była pamienšana taksama na 1% — z 23,5 da 22,5% hadavych.
Staŭka refinansavańnia na ŭzroŭni 23,5% zastavałasia niaźmiennaj ź lipienia 2013 hoda.
Asnoŭnyja kirunki hrašova-kredytnaj palityki na 2014 hod praduhledžvajuć, što staŭka refinansavańnia ŭ siarednim za hod składzie 14—16%. Dla vychadu na takoje značeńnie staŭka refinansavańnia da kanca 2014 hoda pavinna skłaści 11—13%, havaryłasia ŭ abhruntavańni Nacbanka.
«Biełaruś ciabie lubić». Repartaž z raźvitańnia ź Mikitam Miełkazioravym8
Kamientary