Šlubnyja pary, akazałasia, utvarajucca nie tolki na padstavie asabistych simpatyj.
Jak pakazała daśledavańnie amierykanskich śpiecyjalistaŭ z Univiersiteta Kałarada, ludzi vybirajuć šlubnaha partniora z padobnym hienatypam. Atrymlivajecca, što muž i žonka z punktu hledžańnia hienietyki padobnyja bolš adno da adnaho, čym da astatnich ludziej.
Raniej navukoŭcy ŭžo zajaŭlali pra padabienstva ŭzroŭniu adukacyi ŭ šmatlikich muža i žonki. Ale pra hieny jany kažuć upieršyniu. Raspaviadaje daśledčyk Biendžamin Daminhie: «Byŭ praviedzieny ekśpierymient z 9429 ludźmi. Ź ich było 825 šlubnych par. Usie ŭdzielniki naradzilisia ŭ 1920-1970 hady. Pry hetym 59% ź ich naradzilisia ŭ 1930-ja hady. Takim čynam, my atrymali šyrokuju vybarku, jakaja ŭklučaje i pary, jakija dažyli razam da piensijnaha ŭzrostu. Heta značyć ich stasunki stabilnyja».
Analizu padvierhlisia adnanukleatydnyja palimarfizmy (adroźnieńni ŭ DNK pamieram u adzin nukleatyd) u hienomach ludziej. Akazałasia, DNK dvuch čałaviek, jakija składajuć paru, padobnyja adzin na adnaho značna macniej, čym DNK luboj advolna składzienaj pary. U pierśpiektyvie śpiecyjalisty źbirajucca daśledavać hetaje pytańnie na prykładzie adnapołych par i par, dzie ludzi adnosiacca da roznych etničnych hrup. Nie vyklučana, što padabienstva DNK taksama ŭpłyvaje na ŭstanaŭleńnie siabroŭskich kantaktaŭ.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary