Da 5 červienia Rasija praviadzie taktyčnyja vučeńni rakietnaha złučeńnia Zachodniaj vajennaj akruhi i Kamandavańnia dalokaj avijacyi, u ramkach jakich adbudziecca pusk rakiet «Iskander». Pra heta paviedamili ŭ pres-słužbie Minabarony RF.
«Padčas mierapryjemstva adpracoŭvajucca pytańni arhanizacyi kambinavanaha paražeńnia srodkami vysokadakładnaj zbroi naziemnaha i pavietranaha baziravańnia krytyčna važnych abjektaŭ umoŭnaha praciŭnika», — havorycca ŭ paviedamleńni.
Jak paviedamlajecca, u vučeńniach zadziejničana adno z rakietnych złučeńniaŭ Zachodniaj vajennaj akruhi, na ŭzbrajeńni jakoj znachodziacca apieratyŭna-taktyčny rakietny kompleks «Iskander-M» i samaloty dalokaj avijacyi».
«Na zaklučnym etapie rakietčyki arhanizujuć sumiesnyja dziejańni z kamandavańniem dalokaj avijacyi z paražeńniem umoŭnych metaŭ kryłatymi rakietami naziemnaha i pavietranaha baziravańnia na maksimalnaj dalokaści», — infarmuje viedamstva.
Paviedamlajecca, što rakietnaje padraździaleńnie padčas pravierki ažyćciavić marš kambinavanym sposabam praciahłaściu bolš za 2 tys. km (svaim chodam da aeradroma nahruzki, paśla čaho samalotami vajenna-transpartnaj avijacyi ŭ rajon praviadzieńnia vučeńnia). Zatym rakietčyki ŭ składzie štatnaha padraździaleńnia z aeradroma pasadki ažyćciaviać marš svaim chodam u rajon apieratyŭnaha pryznačeńnia na palihon.
U vyznačanym rajonie rakietčyki adpracujuć pytańni raźviedki maršrutaŭ vyłučeńnia, sakretnaha razhortvańnia i zajmańnia ahniavych pazicyj, a taksama inžyniernaha abstalavańnia rajona, paviedamili ŭ rasijskim Minabarony.
«U chodzie płanavych vučeńniaŭ budzie pravierana adzinaja sistema aŭtamatyzavanaha kiravańnia, raźviedki, paražeńnia, radyjoelektronnaj baraćby, suviazi i infarmacyjnaha zabieśpiačeńnia vysokadakładnaj zbroi naziemnaha i pavietranaha baziravańnia», — havorycca ŭ paviedamleńni.
Jak zajavili ŭ rasijskim Ministerstvie abarony, dla acenki efiektyŭnaści paražeńnia metaŭ u chodzie vykanańnia bajavych strelbaŭ rakietčyki buduć vykarystoŭvać bieśpiłotnyja latalnyja aparaty rasijskaj vytvorčaści, abstalavanyja sučasnymi ličbavymi srodkami vizualizacyi i pieradačy dadzienych. Videasihnał z aparata-vyviednika ŭ režymie realnaha času pieradajecca na punkt kiravańnia i kantrolu na palihonie, a taksama ŭ centr bajavoha kiravańnia, ź jakoha ažyćciaŭlajecca ahulnaje kiraŭnictva rakietnymi puskami i strelbami.
Daviedka. Apieratyŭna-taktyčny rakietny kompleks (ATRK) «Iskander», raspracavany kanstruktarskim biuro mašynabudavańnia (Kałomna, Maskoŭskaja vobłaść), vypuskajecca ŭ dvuch varyjantach — «Iskander-M» (dla Uzbrojenych sił RF) i «Iskander-E» (na ekspart). Ekspartny varyjant pa bajavych charaktarystykach krychu adroźnivajecca ad kompleksu, jaki vyrablajecca pa zamovie Minabarony Rasiei. Jak paviedamlałasia raniej, Rasija adviała značnuju kolkaść vojskaŭ ad ukrainskaj miažy.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary