Pa vynikach apytańnia, praviedzienaha sacyjałahičnaj słužbaj «Levada centr», nieluboŭ rasijanaŭ da ZŠA dasiahnuła ŭ mai histaryčnaha maksimumu: zaraz 71% rasijanaŭ zajaŭlajuć, što drenna staviacca da Amieryki.
U pačatku 1990-ch hadoŭ luboŭju da ZŠA nie pałali mienš za 10% hramadzian Rasii. Z hadami niezadavolenych palitykaj Amieryki rasijanaŭ stanaviłasia ŭsio bolš. Ale z takim rekordna vysokim pakazčykam — u 71% — sacyjołahi sutyknulisia ŭpieršyniu.
«Antyamierykanizm praciahvaje raści, dasiahnuŭšy ŭ mai 2014 hoda histaryčnaha maksimumu: 71% acanili svajo staŭleńnie jak «u asnoŭnym drennaje» abo «vielmi drennaje», — kažuć sacyjołahi.
Na dumku apytanych, ZŠA (69%) i Ukraina (30%) źjaŭlajucca ŭ ciapierašni čas samymi varoža nastrojenymi da Rasii krainami.
Zhodna z vynikami apytańnia, raście i niehatyŭnaje ŭsprymańnie Jeŭrasajuza.
Zatoje Kitaj za apošni hod stali ŭsprymać bolš pazityŭna: 40% respandentaŭ ličać Piekin najbolš blizkim sajuźnikam Rasii (druhim paśla Biełarusi).
Kamientary