Pra heta jon zajaviŭ 12 listapada na pres‑kanfierencyi ŭ Minsku. Niamiecki śpiecyjalist upeŭnieny, što za čatyry miesiacy raboty ŭ Biełarusi ŭ zbornaj sabrany lepšyja hulcy.
Pavodle słoŭ B.Štanhie, zaraz ustalavaŭsia aptymalny bałans pamiž uzrostavymi i maładymi hulcami. «Vopytnych hulcoŭ stała bolš, tamu ŭ nastupnych matčach čakaju lepšaj hulni. Raniej my byli kiepska padrychtavanyja da hulniaŭ, ciapier — lepš», — zajaviŭ jon.
B.Štanhie paviedamiŭ, što zaraz usia jaho ŭvaha budzie źviernuta na 20—25 asnoŭnych hulcoŭ zbornaj. Ź imi jon płanuje pravieści niekalki tavaryskich hulniaŭ u nastupnym hodzie.
«My sfarmavali kamandu. Zaraz chočam palepšyć hulniu. My viedajem, što možam hulać lepš», — ličyć hałoŭny trenier.
Pavodle jaho słoŭ, ciapier źmieny mohuć być minimalnymi. U pryvatnaści, mahčymy vyklik u nacyjanalnuju zbornuju niekalkich hulcoŭ z maładziožnaj.
Hałoŭny trenier taksama paviedamiŭ, što asobnaja ŭvaha budzie nadavacca 30—40 hulcam biełaruskaha čempijanatu, jakija pryciahvajucca da hulniaŭ za junijorskuju i maładziožnuju zbornyja krainy, paviedamlaje BiełaPAN.
***
Nahadajem, što 17 i 21 listapada biełaruskaja zbornaja praviadzie zaklučnyja matčy ŭ svajoj adboračnaj hrupie: u nastupnuju subotu ŭ haściach sa zbornaj Ałbanii, a 21-ha – u Miensku sa zbornaj Halandyi.
Paśla 10 hulniaŭ ajčynnaja zbornaja zajmaje pieradapošniaje 6-je miesca, majučy na svaim rachunku 7 punktaŭ. U ałbancaŭ -- 11 punktaŭ, u Luksemburha, jakomu biełarusy hučna prajhrali 13 kastryčnika, 3 punkty. Užo 25 listapada ŭ paŭdniovaafrykanskim Durbanie projdzie losavańnie adboračnych hrupaŭ da čempijanatu śvietu - 2010.
Tak što intryhi ŭ listapadzie dźvie: jakoje vynikovaje miesca zojmuć našy futbalisty i chto trapicca ŭ nastupnym adboračnym cykle.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary