Sierbija adkłała pracy pa budaŭnictvie hazapravoda «Paŭdniovy patok» z-za prypynieńnia rabot u Bałharyi. Pra heta, jak infarmuje sierbskaja hazieta Blic («Blic»), zajaviła ŭ paniadziełak, 9 červienia, vice-premjer i ministr pa spravach transpartu i infrastruktury krainy Zarana Michajłavič.
Pavodle jaje słoŭ, realizacyja prajekta prypyniena da taho času, pakul Bałharyja nie skončyć pieramovy ź Jeŭrasajuzam, a Jeŭrasajuz — z Rasijaj, albo pakul Rasija nie źmienić maršrut hazapravoda.
Michajłavič taksama nahadała, što Sierbija — adzinaja kriana, akramia Rasii, jakaja ŭdzielničaje ŭ prajekcie, jakaja nie źjaŭlajecca siabram Jeŭrasajuza.
Napiaredadni premjer-ministr Bałharyi Płamien Arešarski rasparadziŭsia prypynić raboty pa budaŭnictvie hazapravoda «Paŭdniovy patok» u suviazi z zapytam Jeŭrakamisii. Pavodle jaho słoŭ, dalejšyja rašeńni buduć prymacca ŭ zaležnaści ad vynikaŭ pieramovaŭ z Brusielem.
Raniej paviedamlałasia, što Jeŭrakamisija zapatrabavała ad Bałharyi i inšych jeŭrapiejskich krain spynić na niavyznačany termin pracy pa budaŭnictvie «Paŭdniovaha patoku» u tym liku z-za padziej va Ukrainie.
***
«Hazprom» sa śniežnia 2012 hoda viadzie budaŭnictva «Paŭdniovaha patoku» ŭ abychod Ukrainy pa dnie Čornaha mora, kab dyviersifikavać maršruty pastavak hazu ŭ Jeŭropu.
Pieršuju nitku zdaduć u ekspłuatacyju ŭ kancy nastupnaha hoda. Usiaho płanujecca pabudavać čatyry nitki daŭžynioj bolš za 930 kiłamietraŭ kožnaja. Košt budaŭnictva składzie 39 miljardaŭ rubloŭ.
Mierkavałasia, što truba projdzie pa dnie Čornaha mora ŭ Bałharyju, dalej — praź Sierbiju, Vienhryju i Słavieniju na paŭnočny ŭschod Italii.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza1
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary