Žychar Homiela paabiacaŭ pieradać pasyłku na 10 tysiač rubloŭ, ale źjeŭ ź jaje ŭsie pradukty
Maskvička sabrała darahuju pasyłku synu i jaho siamji ŭ Viciebsk. Poštaj adpraŭlać nie stała, vyrašyła pieradać ciahnikom. Padrabiaznaści vydańniu «Biełka» raspaviali ŭ prakuratury Homiela.
Ukłaŭšy ŭ pasyłku haścincaŭ na 10 tysiač biełaruskich rubloŭ, žančyna adpraviłasia na Biełaruski vakzał. Na pieronie jana stała šukać, chto b pieradaŭ pasyłku blizkim. Na prośbu ab dapamozie adhuknuŭsia sudzimy 12 razoŭ za kradziažy 39‑hadovy hamialčuk.
Žančyna addała jamu sumku sa źmieścivam, roŭnym jaje dvuchmiesiačnamu dachodu. Jašče i adździačyła harełkaj i hrašyma.
Praŭda, ciahnik, na jakim jechaŭ abvinavačany, navat nie zachodziŭ u Viciebsk. Jak tolki mužčyna pryjechaŭ u Homiel, jon adpraviŭsia ŭ hości da znajomaj, dzie z čužoj sumki byli vyniatyja i źjedzienyja piačonka traski, čyrvonaja i čornaja ikra, čyrvonaja ryba dy inšyja dalikatesy, jakija babula kuplała dla ŭnuka.
Tym časam niaviestka žančyny, tak i nie dačakaŭšysia pieradačy ŭ Viciebsku, źviarnułasia ŭ milicyju. Złodzieja znajšli.
«Upryhažeńni dla niaviestki, knihi i adzieńnie dla ŭsich siamiejnikaŭ udałosia viarnuć. A voś pradukty na niemałuju sumu stračanyja nazaŭždy. U čarhovy, užo 13‑y raz, mužčynu buduć sudzić za kradziež, učynieny paŭtorna. U hety momant praz złoŭžyvańnie ałkaholem jon znachodzicca ŭ ŁPP», — raspaviali ŭ prakuratury Homiela.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami21
Kamientary
Dalej i hłybiej treba było kapać (žart).
Taksama, kali jana azijatka, jana mahła mieć prablemy z padboram patrebnaha pamieru džynsaŭ, bo ŭ ich habaryty inšyja.
Što tyčycca koštaŭ, dyk dastaŭki byvajuć roznyja, kali nie śpiašaješsia, dyk možna zekanomić.