Sistema prodažu kvitkoŭ, na jakuju pierajšła «Biełavija», akazałasia ŭ centry karupcyjnaha skandału
Rasijskaja prakuratura zajaviła, što vyjaviła kryminalny i karupcyjny kantrol nad najbujniejšaj u Rasii sistemaj avijabraniravańnia Leonardo, piša RBK.
Pavodle pazovu rasijskaj Hienieralnaj prakuratury, kampanii, jakija zabiaśpiečvajuć klučavyja infarmacyjnyja pasłuhi ŭ avijapieravozkach, u tym liku «Sirena-Treveł», TKP i inšyja struktury hrupy, byli nabytyja karupcyjnym šlacham, znachodziacca pad upłyvam kryminału i zamiežnym kantrolem. Siarod adkazčykaŭ u spravie fihuruje i dziejny deputat Dziarždumy ad ŁDPR Ryfat Šajchutdzinaŭ.
Jak śćviardžajuć u Hienprakuratury, asnovaj dla hetaha stała naŭmysnaje bankructva dziaržaŭnaha pradpryjemstva «Hałoŭnaje ahienctva pavietranych złučeńniaŭ hramadzianskaj avijacyi» ŭ 2003 hodzie. Hetaje ahienctva zajmałasia prodažam avijabiletaŭ praź sietku kas i kiravała sistemaj afarmleńnia pavietranych pieravozak «Sirena».
4 lutaha Hienieralnaja prakuratura Rasii padała pazoŭ da niekalkich dziasiatkaŭ fizičnych i jurydyčnych asob z patrabavańniem pieradać u dachod dziaržavy ruchomuju i nieruchomuju majomaść uładalnikaŭ i struktur kampanii «Sirena-Treveł», jakaja źjaŭlajecca apierataram sistemy Leonardo. Pieršaje sudovaje pasiadžeńnie pryznačana na 18 lutaha.
Pavodle źviestak krynic, prakuratura ličyć, što dla zachopu pradpryjemstva padazravanyja ŭstupili ŭ zmovu z kiraŭnikom Fiederalnaj słužby pa spravach niepłaciežazdolnaści i finansavaha azdaraŭleńnia Hieorhijem Talem. Pry jaho karupcyjnym sadziejničańni Ryfat Šajchutdzinaŭ byŭ pryznačany kiraŭnikom dziaržaŭnaha avijacyjnaha ahienctva z parušeńniem zakanadaŭstva.
«Biełavija» pieraklučyłasia na pasłuhi sistemy braniravańnia avijakvitkoŭ Leonardo ŭ 2023 hodzie, zamianiŭšy im amierykanskuju Sabre.
«Biełavija» nakryŭ maštabny zboj u rasijskaj sistemie braniravańnia avijakvitkoŭ
«Hiendyrektar nie mianiaŭ parol z 2022 hoda». Biełaruskija kibiery raskazali padrabiaznaści ataki na sierviery «Aerafłotu»
Pamiatajecie fota, jak ściuardesa «Biełavija» adpačyvała ŭ turbinie samalota? Dziaŭčyna raspaviała jaho historyju
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu32
Kamientary