U mai indeks spažyvieckich cen na tavary i pasłuhi ŭ Biełarusi vyras u paraŭnańni z krasavikom na 2,2% i na 8,9% — u paraŭnańni sa śniežniem 2013 hoda, paviedamlaje pres-słužba Nacyjanalnaha statystyčnaha kamiteta.
Ceny na charčovyja tavary ŭ mai hetaha hoda ŭ paraŭnańni z krasavikom vyraśli na 3,5%. Najbolej značna padaraželi miasa i ptuška — na 14,7%, bulba — na 6,6%, kaŭbasnyja vyraby i vendžanina — na 5,7%, ryba i morapradukty — na 3,2%. Źnizilisia ceny na masła — na 0,3%, alej — na 1,2%, jajki — na 2,8%, sadavinu — na 0,9%, aharodninu — na 14,2%.
Ceny na niecharčovyja tavary ŭ mai ŭ paraŭnańni z krasavikom pavialičylisia na 0,5%, z pačatku hoda — na 2,3%.
Nahadajem, aficyjny hadavy prahnoz inflacyi składaje 11%, adnak moža być pierahledžany ŭ horšy bok. U 2013 hodzie inflacyja ŭ Biełarusi skłała 16,5%.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary