Šerah haradoŭ Danieckaj vobłaści — Horłaŭka (asabliva Kalininski rajon), Kramatorsk, Dziaržynsk, Arciomaŭsk, Jenakijeva — mohuć zastacca biez vodazabieśpiačeńnia z-za prypynieńnia pracy dvuch pompavych stancyi ŭ Słaviansku, paviedamlaje Gorlovka.ua.
Siońnia padčas abstrełu byli zabityja dvoje supracoŭnikaŭ pompavaj stancyi, astatnija admaŭlajucca vychodzić na pracu.
«U nas u Słaviansku dźvie pompavyja stancyi, jakija zabiaśpiečvajuć uzdym vady dla šerahu haradoŭ Danieckaj vobłaści. Nad adnoj sa stancyj śviščuć kuli, siońnia byŭ minamiotny abstreł. Dziažurny piersanał nie moža ŭ takich umovach pracavać, pakolki jość realnaja pahroza žyćciu. Heta stratehičny abjekt, ale pad kuli nichto nie pojdzie», — raspavioŭ sajtu supracoŭnik rehijanalnaha ŭpraŭleńnia pa ekspłuatacyi kanała.
Siońnia ŭ Horłaŭskim harsaviecie prachodziła ekstrannaja narada z udziełam supracoŭnikaŭ meryi, KP «Vada Danbasa» i RUEK, na jakim było pryniata rašeńnie ab zabieśpiačeńni žycharoŭ Horłaŭki vadoj z reziervovaha vadaschovišča.
Ale asnoŭnaja prablema z vodazabieśpiačeńniem čakaje žycharoŭ Kalininskaha rajona. U Centralna-Haradskim i Nikitaŭskim rajonie vada budzie, ale cisk źnizicca. Taksama budzie rabicca padvoz vady pa rajonach horada.
Kamunalnaje pradpryjemstva «Kampanija «Vada Danbasa» paćviardžaje, što kanał «Sievierski Daniec — Danbas» časova spynieny.
«Siońnia ŭ 10.00 u vyniku artyleryjskaha abstrełu na terytoryi pompavaj stancyi I ŭzdymu kanała Sievierski Daniec-Danbas byli śmiarotna paranienyja dva supracoŭniki KP «Kampanija «Vada Danbasa» i naniesieny ŭron budynku pompavaj stancyi. Z pryčyny hetaha ŭ 10.30 była spynienaja praca pompavych ahrehataŭ pompavaj stancyi I ŭzdymu, a ŭ 12.00 — stancyi II ŭzdymu. Absłuhoŭvajučy piersanał nie mieŭ mahčymaści pracavać padčas abstrełu», — havorycca ŭ paviedamleńni pres-słužby Danieckaj abłdziaržadministracyi.
Adnaŭleńnie pracy budzie mahčyma paśla spynieńnia ahniu, abśledavańnia abstalavańnia, mahčymaści dastaŭki rabotnikaŭ i zabieśpiačeńnia suviazi.
Na pieryjad prypynku kanała «Sievierski Daniec-Danbas» vodazabieśpiačeńnie haradoŭ i pasiołkaŭ budzie ažyćciaŭlacca z reziervovych vadaschoviščaŭ. U vypadku praciahłaha prypynieńnia kanała mahčymy pieravod haradoŭ na skaročany hrafik padačy vady.
Ciapier čytajuć
Zakinutuju siadzibu Bahdanovičaŭ pierarobiać u bucikovy hatel FOTY5
Kamientary