Studentka z Rasii raźbiłasia naśmierć, zvaliŭšysia z bałkona padčas seksu
Rasijskaja studentka Anastasija Tacik, jakaja adznačała ŭ Łondanie zakančeńnie vučoby, raźbiłasia naśmierć razam sa svaim kachanym, zvaliŭšysia z bałkona padčas seksu. Paru nastolki zachapiła žarść, što maładyja ludzi nie zaŭvažyli, jak šklanyja kanstrukcyi nadłamilisia. Jany zhubili raŭnavahu i zvalilisia na ziamlu z vyšyni dvaccaci mietraŭ.
Sa studentam ź Mieksiki pa imieni Mihiel 19-hadovaja rasijanka Naścia Tacik była znajomaja ŭsiaho tydzień. Jana naviedvała koledž Bellerbys, dzie navučańnie kaštuje bolš za 21 tysiačy funtaŭ sterlinhaŭ u hod, ličyłasia adnoj z najlepšych vučanic u kłasie, a ŭ vieraśni płanavała pastupać va ŭniviersitet.
Mihiel pryjechaŭ u Łondan usiaho tydzień tamu na letnija kursy anhlijskaj.
Siami dzion maładym ludziam chapiła dla taho, kab zachapicca adzin adnym.
Na viečarynie z nahody zaviaršeńnia siemiestra para vyrašyła adasobicca i nie znajšła bolš zručnaha miesca, čym bałkon.
Małady čałaviek pasadziŭ dziaŭčynu na parenčy i zaniaŭsia ź joj seksam.
Emocyi apynulisia macniejšymi za rozum: maładyja ludzi zusim zabylisia ab biaśpiecy. Jany nie zaŭvažyli, jak dalikatnyja šklanyja apory bałkona nadłamilisia, i, straciŭšy raŭnavahu, upali ŭniz. 20-mietrovaja vyšynia nie pakinuła im šancaŭ vyžyć.
Cieła zakachanych vyjaviŭ susied Anastasii — 32-hadovy Samson Ahuntaa. Jon vyklikaŭ słužbu vyratavańnia, ale miedyki tolki kanstatavali śmierć zakachanych.
Praŭda, rasijskaje žoŭtaje vydańnie Łajfńjuz nie pryvodzić fota bałkona z abłamanymi parenčami. Mahčyma, usio adbyvałasia nie zusim tak, jak apisvaje hazieta.
Kamientary