Prezident Ukrainy Piotr Parašenka źviarnuŭsia da ŭkrainskaha narodu.
«Siońnia ŭ Łuhansku i Maryupali adbyłasia žudasnaja trahiedyja. Zahinuli našy vajennyja i pamiežniki. Ja schilaju hałavu pierad hierojami, jakija zahinuli padčas bajavoha zadańnia pa adnaŭleńni dziaržaŭnaj miažy Ukrainy. I adnačasova ja hanarusia ukrainskimi vajskoŭcami, pamiežnikami, śpiecnazaŭcami i desantnikami, jakija rašuča praciahvajuć zmahacca za mir na našaj ziamli», - havorycca ŭ zvarocie.
«Ukraina siońnia smutkuje pa zahinułych hierojach. Ja atrymaŭ šmatlikija telefanavańni ad lidaraŭ demakratyčnych krain śvietu, jakija vykazvajuć nam svaje ščyryja spačuvańni. My zrobim usio mahčymaje, kab vinavatyja ŭ hibieli vajskoŭcaŭ byli znojdzieny, kab terarysty atrymali adekvatny adkaz i byli pakaranyja», - adznačyŭ prezident Ukrainy.
Piotr Parašenka adznačyŭ, što siońnia ŭkrainskaja armija ŭpieršyniu pierajšła ŭ kontrnastup.
«Našy vajskoŭcy pačali adciskać terarystaŭ. Ja pastaviŭ Uzbrojenym Siłam Ukrainy pieršačarhovuju zadaču — uziać pad kantrol dziaržaŭnuju miažu Ukrainy, praź jakuju terarysty atrymlivajuć zbroju, techniku, padmacavańnie, hrošy.
Tolki na praciahu apošnich čatyroch dzion u ramkach śpiecapieracyi byŭ ustalavany mir i zakonny paradak u Maryupali, uziata pad kantrol 248 kiłamietraŭ dziaržaŭnaj miažy. U cełym šerahu nasielenych punktaŭ Łuhanskaj i Danieckaj abłaściej spyniena dziejnaść bajevikoŭ-najmitaŭ, vyčyščana ad terarystaŭ 11 nasielenych punktaŭ. Za apošnija sutki pry sprobie praniknuć na terytoryju našaj dziaržavy było źniščana 7 aŭtamabilnych kałon z zbrojaj i bojeprypasami, źniščana niekalki tankaŭ, bronietransparcioraŭ, reaktyŭnaja sistema załpavaha ahniu», - skazaŭ kiraŭnik dziaržavy.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary